Miika 1:11 - NABUWWA KEE MALIKWA

¹¹ Saafir deqsitta magaalah maraw, qasunuk gacca inxicaay qaybik isinni qidak, baaxok inkiliqa. Daanan magaalal yan mari elle yan magaalak mayawqa. Beet-Eedal magaalal yan mari booget yaniih, cato siinih mayakka.

Miika 1:11 Referans Kwoze

Yasaqya 20:4

Assuuriyah malik woo namma rasuk carbit yibbixe mara qasunuk beele. Qunxaamaay kaxxam inkih gambi qassih, iba qassih, deega qassih beeloonuuh, Masri mari qaybit radele.

Naacum 3:5

YALLAY Nabaamak Nabahiyya iyyeemih, «Nanawê-magaalay, kok naqboyta ekkeh an. Doolatwa qawrat kok akah table innah qasunuk koo cabeyyo.

Miika 1:8

Miika iyyeemih, «Tahamay siinit takku waytahiyyah sabbatah, anu rookat an, siinih qaadah. Siinih qaadaah, rookitam yok elle taaxagoonuh, ibqasih gexeyyooh, qasunuk baaxo meekiteyyo. Goroyyah innah kak axceyyo. Wakrih innah wiq axceyyo.

Yacedkel 23:29

Too mari koo niqbaamih sabbatah, atu edde taamitta 'teemiy isi cawalal geytehiyya kok beeloonuuh, foyyal koo cabelon. Xiiqareh xiinah innah, qasunuk koo cabelon.

Yacedkel 16:37

Tonna-leemiik duma mareytiitih kok suge marak niqibtom kee kicintom inkih, bahha heeh foocal kok xayyoyseyyo. Too mari maraasiyya koo heele. Too waqdi oson koo elle yablen ikkel, qasunuk koo cabeyyo.

Ermiyaas 48:9

«Mooyab rasi xayi saakut bayele'mmay edde haadaana'gidih galwa keenit haa. Mooyab magaalooli abuuruh raaqele; num sinniih lac sinni booxah raaqele» 'yaanam iyye.

Ermiyaas 48:6

‹Kuday! Isillima! Bakarroytah tan baaxol tooboke caxah innah yassamme mara tika› 'yaanam axcelon.

Ermiyaas 13:22

‹Ah inkih net akah tekkem macaay? Sari nek akah qanxixeeh; a axxul le biyak xagarat nek akah yekkem macaay?› bagul inteenik; toh siinit akah tekkem, sin dambih manga.

Yasaqya 16:2

Qarwak xiiriyen qunxa-kimbiirih innah, Mooyab say-mari, Arnon weeqaytih-tabeenak xaqul, koboxut yan.

Yoosuwa 15:37

Tohuk kalah kaadu Xanaan kee Cadaasa kee Migdalgad kee

Zakariyya 14:5

Too ayro isin, ta daqaaray namma qalek fan gexak Aaxal deqsita arac gufahiyyak addah gacca 'teenih asillimetton. Sin kaxxa abbobti malik Quddiyya deqsita num Yuudâ-rasul malikih yen saakuy baaxo tengeyyehiyya elle tisillime innal asillimetton. Too waqdi YALLAY yi Dagelta kinni isi malaykoota inkih gabat luk akke fanah amaatele.