Malaaki 4:2 - NABUWWA KEE MALIKWA

² Siiniy yok meysitak yoo yaynabehiyyah tu gactek, sin catu waa ayro siinih awqeleeh; qaafiyat geettoonuuh, waddiimetton. Too waqdi ogok yifdigen rugaageh innah digiritetton.

Malaaki 4:2 Referans Kwoze

Ermiyaas 33:6

Takkay immay a baati raagtu wayta baati hinnaay, ahak sarra Yarusalaamak rooci wadeyyooh, luk sugte qaafiyatah tet gacseyyo. Kaxxa maqaane kee wagarih tet xiiniseyyo.

Yasaqya 30:26

Alsa ifuh ayroh innah gaceleeh, ayro kaadu ifuh malcina adda dumak lafitta axcele. Malcina ayroh ifuy yesgelleenihiyyah bis aallele. Aham takku waytam, YALLI isi mara abeh yan biyaakak edde qaffoysu waa saaku.

Yasaqya 53:5

Nanu bahneh sugne dambih, kaa mudeeniih, kaa tafqeenih; bahne qellat kee ni umaaneh, ugra kaat abak, kaa qiden. Kay nabsit tekke digaalah, amaan kee wagari geyne. Kay xagarat aben atkah, sahhilowneh qaffonneh nen.

Malaaki 3:16

YALLIH meysi le maray kaa yaynabehiyya ahamat titta lih yaabeeh; YALLI ken yab ankaciseh, ken yab yoobbeh. Tohuk gexxaamah Yallih garil too marih migaq Yalli kassitih maktuubuk yabbixe.

2 Samuwel 23:4

qamburre sinni wallaqenti bis le; robti lakal tawqe ayroy baaxol qayso taysubukeh gide› 'yaanam iyye.

Ruut 2:12

Atu abteemih galto YALLI koh yacaay; catoh elle temeete YALLAY Israayil ummatta doorehiyya dudda le galto koh yacaay» teetik iyye.

Yasaqya 35:6

Kos axcuk suge mari ardah wayxexxa akkele. Duuditteh suge mari yaabeleeh, farcatah qililisele. Macaay inteenik, bakarroytah sugte baaxol buyyitte darah gexele. Bacarih tan baaxok kulli ikkel lee darah gexele.

Hosiqa 6:3

YALLA naaxagay. Kaa naaxige'gidih, digga innay. Tonnal, barak lakal maaci maacisam akah naaxige'nnah, YALLI nel amaatelem digga hayna. Dabayba kee sugum rade rob baaxo akah doogisa'nnah, YALLI rooci nek aqusbuusele» iyyan.

Hosiqa 6:1

Ummat intaamah, «Ahaysa YALLAL nadaaru wayna. YALLI nee biyaakeh immay nee qaffoysele. Nee mudeh immay dale neh urusele.

Yacedkel 47:12

Weeqaytuk namma xaqul maaqo akak geyan coox aabukele. Too cooxuk ayyuufi malaqaymuuma; kulli alsal xalele. Ta coox Qibaadâ-Qarih gubak racta lee yaaqubeemih sabbatah, kulli way xaylo xalele. A coox xala xaylo maaqo sinaamah akkeleeh, ayyuufi dayla sinaamah akkele» iyye.

Yasaqya 50:10

YALLAK meysitaah, kay-naqasih-yab yaabbe maraw, diteh yan aracal ifu sinnuk gexxan way, Yalla eemenaay kibaal YALLAL haysita.

Yasaqya 9:2

Ditet tan ummat kaxxa ifu ablele. Duma silal elle radak suge rasul yan maral away ifi gacele.

Ermiyaas 17:14

Too waqdi YALLAK excemii, «Anu candu akah gacsam dibuk kook, YALLAW, yoo wad. Atu yoo waddek, waddiimeyyo. Yoo urus; atu yoo urussek, ureyyok.

Yasaqya 49:6

Tonnal annah yok iyyamaa; «Yi naqasow, Israayilik baatik raaqe marak inkih, luk sugen nabna gacsaanam, ku gabat absiise liyo. Wohuk kalah tayse taamay muxxo leeh giffa lehiyya ku gabat absiise liyo. Baadal inkih tan ummatah ifu kee noori koo abeyyo; Wadoot kee catotta akketto. Toh ku gabat absiiseyyo» yoo doore Dagelti yok iyyah yan.

Ermiyaas 30:17

Wadir edde sugten maqaaneh sin gacseyyo. Naqboytiitih siinik yan mari, ‹Oson dumaak baaxot qiden mara ikkal, sahda keenit waytam mali› siinik iyyaana'mmay, anu abten mudumuk sin urseyyo. Liton dale siinik qaffoyseyyo. Tahat yabtam yoo YALLA» 'yaanam iyye.