Malaaki 3:17 - NABUWWA KEE MALIKWA

¹⁷ YALLAY Nabaamak Nabahiyya iyyeemih, «Too mari yi mara. Anu gaba qidu waa saaku, too mari yi intit fayya le mara akkeleeh; abba isi baxay kay yab yoobbehiyya akah racmata innah, anu too marah racmateyyo.

Malaaki 3:17 Referans Kwoze

Malaaki 1:6

YALLAY Nabaamak Nabahiyya seekak iyyeemih, «Siinik axcem oobbeya. Baxi abba yassakaxxeeh; saq-duwayti akah taamita num yassakaxxeh. Hay, anu abba siinik kinniyok, macah yoo assakaxxe waytan? Sin Dagelti yoo kinni way macah yoo assakaxxe waytan? Seekay, yoo bursuttam siini. «Takkay immay isin, ‹Nanu koo elle bursunnam mannaay?› intan.

Ermiyaas 31:33

Tamaatu wayta ayroorat Israayil mara lih haysitu waa qahdi ah kaana. Inni xinto bagut keenik haak, afqadol keenik aktubeyyo. Anu ken Dageltah aniyooh, oson kaadu yi mara akkelon.

Yacedkel 16:8

« ‹Sarra aki saaku wokkek gaca waqdi, dadalteeh baxuwwa tekkem kok uble. Qasunuk kok yan xagaral inni saroh exxa koh hayya heeh, koo kiciyyom koh warseh. Tokkel kol digibeyyoomuh qahdi koh culeeh; koo abiteeh yim tekke. Tahat yabtam yoo YALLAY Mulki lehiyya› iyye.

Ermiyaas 31:20

«Israayil ummatey, kulli marak kacanuh akah lafta xayloh yok tanin. Sin gide kacanuh numuh massalliyyo. Isin abtan umaanet yaabah immay, tohuh, sin kasa waqdi siinih xuwaawah. Afqado sin fanah liyooh siinih racmateyyo. Tah intam yoo YALLA.

Nacmiya 13:22

Tohuk lakal Leewih yooboke marak, «Taahirrowwa 'xicay, sabti ayro taahirik tan ayro kinnuk, sahda qiidih akah assa innah, magaalah afat dacayrih gaca» keenik exce. Tohuk gaba kale waqdi, «Yallaw, tahal yoo kassit. Ku kacni kaxxa kacanu. Tonna kinnuk, yoo wad» exce.

Xafanya 2:2

YALLI bagcarritaah, kay naqbi siinil oobaamak dumal, edde tanin soxak uduuraay, caaco beyte caffa makkina.

Zakariyya 13:9

Too maray saaboh raaqu waahiyya yakke mara keenik able'gidih, dahab kee lakqo girat elle yasiffiyen innah, girat asiffiyeyyo. Tohuk lakal dooqah gaba yol ruubelon; anu too dooqa keenik oggoleyyo. Yi mara kinnoonum keenih warseyyooh; oson kaadu ‹Atu ni Dagelta kinnito› axcelon» iyye.

Yasaqya 4:2

YALLIH Luddi nabna kee qax-maqaane edde baahu waa wakti amaatele. Too wakti Israayil ummattay baaxô-bagul raqtehiyya, woo baaxol taabuku waytam yabloonu waan waqdi, ruffu axceloonuuh; nabna edde geelon.

Yasaqya 43:1

Tonna'mmay ta saaku hay, YALLI siinik iyyam le; Israayiley, sin yuklukeeh inki mara sin abe Dagelti siinik iyyam le. Toh macaay inteenik, «Sin waddem yook, mameysitina. Migaaqal siinih seeceeh; yi mara kinniton.

Yasaqya 43:21

Ta mara anu inni caagidih gine. Yi fayla abu waa mara yakkeeni'gidih, ken gine» iyyah yan.

Malaaki 4:3

Too ayroy anu gaba qidu waahiyya, umeynit gombod innah, kabel gubah gacissa haak, keenit aaqitetton. Tah intam yoo YALLAY Nabaamak Nabahiyya.