Malaaki 3:13 - NABUWWA KEE MALIKWA

¹³ YALLI iyyeemih, «Ummatey, ceele waytam yok intan. Ceele waytam inxicca teenih wadir, ‹Kot ceele waytaamay sittak innehiyya macaay?› intan. Yok inteenim siinih warisu waa.

Malaaki 3:13 Referans Kwoze

Malaaki 2:17

Qagseh kaadu keenik iyyeemih, «Yabtan yaabat YALLA taqbisseenih. «Too waqdi ‹Afak nanu YALLA mannal taqbisneeh?› intan. « ‹YALLI umeynit meqe mara yakkaleeh; keenit ruffu iyya› intan. Waqdik teena kaadu, ‹Yallay qadaalat leh akak iyyaanahiyya ankel yani?› intan» iyye.

Yasaqya 37:23

Atu xaafteeh qayto edde abtem iyya takkale? Kaxxiinah amo qaraanal elle haytem iyyaay? Caddi akah abe waytem, iyya kot celta? A ceele-waytam akak axcuk sugtem, Israayil doore Dageltay *kudduusuk yanihiyya kinnim mataaxiga'nnaa?

Malaaki 2:14

‹Macah nek cinah?› intan. Hay anu siinih warisu waa. Isin furrayniinol elle digibten agabuy sin kacnoytiitih yanihiyya cabba hayteenih, ken lih luk sugten Yalla-kee-xagana makteeniih; YALLI abtan sadgat siinik akah cinam tohu.

Ermiyaas 8:12

Yi mari abeh yan umâ-yabulih wacarriya mara hinnon. Dirigga akah m'iyyan. Wacarriy kinnim yaaxige mara hinnon. Tohih sabbatah qeebil gersi marat tekkem keenit akkele. Keenit abu waa digaalak maraaqan. Tahat yabtam yoo YALLA› 'yaanam keenik inxic» yok iyye.

Malaaki 3:8

«Anu, hay, kaadu siinik axcem liyo. Yok tu garqaanam bictaa? Mabicta'mmay, isin tu yok garaqtaanah. «Isiniiy, ‹Maca kok garaqna?› intan. «Dakaat duyye kee sadgatah yaceen duyye yok garaqtan.

Yasaqya 5:19

Isin, «Yalli abeyyo iyyem sissikuk abam kaak nabalu wayna!» intan. «A Israayil doore Dageltay *kudduusuk yani abam faxam duudusam keh, kaak waginnu wayna» intaana'mmay, woyyow, siinit takku waytaama!

Yasaqya 46:12

«Yab ayti akak cule waah, cakki faxe waa maraw!

Ermiyaas 44:18

Gannat-malikáh abak nen sadgat neyseedeeh, qinabak bicsen kamriy faaroh baahak sugnehiyya neyseedeek lakal, barkat nek yeerreeh; carbi kee qululut nembexe» iyyen.

Yacedkel 18:25

«Wonnal, ‹Yalli qadaalat leh mayan› intan. Israayil maraw, ankacca yoo haay, anu abam gitah ane waytam takkaleenih immay, gitak ane sinnim sin taama.

Hosiqa 7:16

Yoo cabba heenih, yoo akke sinniimiy hebeltohim xiqe waytah qibaadat gaceenih, makot tan gaysey tu anfiqe wayta yekken. Ken abbobti kaxxam kaxxiinitta'mmay, uma rabah rabeloonuuh, Masri mari keenil anqaasah rabelon» iyye.

Malaaki 3:12

Toh yabalu waa maray kulli baaxol yanihiyya, ‹A mari ruffa ye mara, oson elle yanin baaxo meqe baaxoy dabaaqah elle gaceh meqe› 'yaanam axcelon. Tah intam yoo YALLAY Nabaamak Nabahiyya» 'yaanam iyye.

Malaaki 3:14

‹YALLAY Nabaamak Nabahiyya yaqbudeenim xiqtam mali. Usuk aba iyyem abaanam kee, Yallaw umam bahne 'yeenih weeqaanam xiqtam mali. Tu kaak magennino› intan.

Yasaqya 3:8

Hay tonnal Yarusalaam baatih lagaq intaah, Yuudâ-rasi finqah gexam faxa. Abba haanam kee inxicca 'yaanam inkih, Yallal saduh taniimi. YALLA qaduk xaafan.

Yacedkel 35:13

Tirtirisak yi giddinaamak edde yabten yab kee ceele-waytoy inteenihiyya siinik oobbeh.