Malaaki 3:11 - NABUWWA KEE MALIKWA

¹¹ Tubquren daro qanayti-gadda akki siinik maha. Qinab xala cooxih ludwat qinab tiqu luk aabukele.

Malaaki 3:11 Referans Kwoze

Ayyuqel 2:22

Lac kee dubalway! Ahaysa mameysitinaay ruffu inxica. Qayso siinih aabukeleeh; caxa xaylo siinih xalelek. Mango sublah-xaylo kee mango qinab aabukele.

Zakariyya 8:12

Awayî-mari isi buqre amaanah abqurele. Qinab coox mango xaylo keenih xalele; baaxol mango daro keenih aabukeleeh, qaraanak rob radele. Ahaysa yi marak raqte saaboh too niqmat aceeyyo.

Ayyuqel 2:20

Kilbatak yamaate naqboyta siinik waaseyyo. Too macaxuk garab bacarih tan baaxo fanah siinik xiiriyeyyo. Foocat yan macaxu Rabe Badat qideyyooh, salafti macaxu Maditraaniyah badat qideyyooh; barugi keenik baaxo abcisele. Macaxi gibdim siinil baaheemih sabbatah, anu ken bayseyyo» iyye.

Ayyuqel 1:4

Kaxxam mango qanaytuy titta lakleh yemeete tubqureenih sugteenim siinik seleeh; naharak yemeete qanaytuk raqtem, wohuk lakal yemeete qanayti selli hee. Woo qanaytuk raqtem, keenik lakal ciggiile qanayti yokme.

Caggay 2:17

Uysubukku hayteenim siinik baysa kaxxa caacay kee arroqle le rob siinil ruubeeh; darot dalka ruube'mmay, tohuh toobittoonu cinteenih.

Qaamus 4:9

«Tooboke daroy orobe'kah tanihiyyat kaxxa caacoy kafissu waytahiyya ruube. Kudaaray yoobokehiyya kee qinab xaylo kafissa heeh; *daytuun kee *sublat inkih qanaytu ruubeeh too qanayti selli hee. Takkay immay tah inkih abalih yol maaduurinniton.

Cabakkuk 3:17

Subul xaylo xale waamah, qinab xaylo xale waamah, *daytuun xaylo xale waamah, daro neh orbe waytaamah, illik loyni yambaxeemih, wadar kaadu tambaxeemih, laahi buxah orbe waamah,

Ayyuqel 1:12

Qinab xala cooxuuy sublâ-coox kee rummaanat xala coox laqaymuumeh. Tamira xalak ten nakliita laqaymumte. Yakmen xaylo xala coox kee garbol yan coox inkih laqaymumma 'yeh kafe. Tohuk gexxaamah ummat abak sugte farcat gadaamat cabe.

Ermiyaas 8:13

YALLI qagseh iyyemii, «Sahdayti tooboke daro elle gaaboysa'nnal, inni mara gaaboysam faxa. Takkay immay qinab-caxay xaylo xale wayta yekken. Sublay xalay wayteeh, ayyuufi akak kafe yekken. Tonna leemiik allak yemeete marih gabal ken heeyyo» 'yaanam iyye.

Ayyuqel 1:7

Qinab xala coox sella nek heeh; sublâ-caxak tu macabinnaay, qalloh agaantah yokme. Coox kafinuk cabba hee'mmay weeqa.

Hosiqa 2:21

«Yi mari yot aban kallaci keenik oggoleyyo. Rob keenih baaheyyo. Baaxol daro kee qinab xaylo kee *daytuun keenih aysubukeyyo. Yidraqel-Daqarih xaqul daro kee coox aysubukeyyo.

Ayyuqel 2:25

YALLI siinik iyyaamah, «Qanayti siinik selli heem, wadir siinih gacseyyo. A qanaytih macaxu siinit rubtem, yoo YALLA.

Caggay 1:11

Baaxooy, koomaamiiy, buqreh aroocaay, qinab xaylo elle taabuke aroocaay, *daytuun xala cooxuuy, baaxol ubukka 'taamay tankammehiyya kee, ummataay laa kee saqal inkih qabar ruubeyyo. Abtan taamak tu morbissan» inta farmo keenih ruube.