Malaaki 2:10 - NABUWWA KEE MALIKWA

¹⁰ Malaaki iyyeemih, «Ni Abbay nee doorehiyya inki Dagelta akke maay waa? Nanu inkih inki abba linom neexegek, hay, innem tittal akah maknam macaay? Toh abna waqdi, Yalli ni kaxxa abbobti lih abe xagana makna.

Malaaki 2:10 Referans Kwoze

Malaaki 2:11

Yuudâ mari Yalla lih luk sugen xagana makeeniih; Yarusalaam kee inkih yan rasul ibak-gibdi umaane aben. Ken labha allî-baaxoh agabuy xeet kee cooxuk bicsen duyye yaqbudehiyyat rihimak, YALLI kicna isi Qibaadah-Qari nadaasa aben.

Yasaqya 63:16

Ni abba koo. Ni kaxxa abbobti Abraahim kee Israayil nee maaxaginna. Takkay immay YALLAW, ni abbay kulli way nee wada kinnito.

Yasaqya 64:8

Takkay immay YALLAW, atu nek abba kinnito. Nanu kallaay; atu kallak buuti bicsa numih bis lito; nakkeemik ku gabah taama kinnino.

Malaaki 2:8

«Tonna'mmay seekay, isin ta saaku cakki gitak tewqeeniih, isin sinam barissan qilmi ummat makot beyam baahe. Anu sin lih haysite qahdi makteenih.

Malaaki 1:6

YALLAY Nabaamak Nabahiyya seekak iyyeemih, «Siinik axcem oobbeya. Baxi abba yassakaxxeeh; saq-duwayti akah taamita num yassakaxxeh. Hay, anu abba siinik kinniyok, macah yoo assakaxxe waytan? Sin Dagelti yoo kinni way macah yoo assakaxxe waytan? Seekay, yoo bursuttam siini. «Takkay immay isin, ‹Nanu koo elle bursunnam mannaay?› intan.

Yacedkel 33:24

«Bani-adantow, Israayil rasuy abuuruh yanihiyyak addal yan mari iyyaamah, ‹A axxul le baaxo Abraahimiy inki numuh yenehiyyah ikoytah tontocowweeh; nanu manginooh, elle nani ikkel neh kaadu ikoytah akah antacawwe waytam mali› 'yaanam iyyan.

Yasaqya 51:2

Sin kaxxa abba Abraahim kee Saaray akak raddeenihiyya baguh kassa haa. Abraahimih seece saaku maxalaytuh yen. Takkay immay yi barkatah xaylo xale; kaak rade mara eymeggeh.

Yasaqya 44:2

YALLAY sin yuklukeeh ina bagut sin giney sin catahiyya siinik iyyam le. Siinik iyyamaa: «Yaqkuubuk rade maraw, mameysitinaay, yi naqoosa kinniton. Kiciyyo maray anu doorehiyya kinniton.

Yasaqya 43:15

Israayil ummatey, anu YALLAY *kudduusuk yan sin Dagelta kinniyo. Inkittu sin abeeh, sin malik kinniyo» iyya.

Yasaqya 43:7

Yi migaaqal yaaxigen maray anu uklukeeh yoo yaynabeeni'gidih akah ginehiyya inkih gacseyyo» iyye.

Yasaqya 43:1

Tonna'mmay ta saaku hay, YALLI siinik iyyam le; Israayiley, sin yuklukeeh inki mara sin abe Dagelti siinik iyyam le. Toh macaay inteenik, «Sin waddem yook, mameysitina. Migaaqal siinih seeceeh; yi mara kinniton.

Nacmiya 13:29

Tohuk lakal, «Yallaw, seeka luk ten seekinna nadaasa isik abte. Leewih yooboke mara kee seeka ko'lih luk ten qahdi nadaasa isinnik abeenim ubuleey» 'yaanam exce.

Yoosuwa 24:3

Sarrak anu sin kaxxa-abba Abraahim Furaat weeqaytuk daga le kabu raqta baaxok beyya heeh inkih tan Kanqaan baaxo kaa miraacise. Tokkel mango abuusih abba kaa abe. Kaadu Iscaak kaah ecee.

Ermiyaas 31:9

Namma intik ximo keenik amaatuk aduurelon. Anu ken miraacisa way dooqa abak amaatelon. Gitah darah gexxa leek xaqut-xaqut ken beeyyo. Saytun gitay adaf sinnihiyyat ken beeyyo. Toh keenih akah abu waam, Israayil marak abba kinniyooh; Efrayim yol naharsi-baxih gide» 'yaanam iyye.

Yasaqya 64:7

Dooqa abeh kol yaduure num mayanaay, catoh ku fanah yamaate num mayana. Nek tomboqorreeh nanu abne dambih gabat nee bayisse.