Makaabon 9:4 - NABUWWA KEE MALIKWA

⁴ Sarrak Bica-edde-aben-Baqal elle yaqbuden qarik, garaasak malcina-taban beyya heenih kaah yeceen. Usuk ta lakqot qamallittey sinam inkim akak intehiyya xaamma heeh is lih ken hee.

Makaabon 9:4 Referans Kwoze

Makaabon 8:33

Gidqoon rabek lakal, Israayil mari Yallal luk yenen imaan dumak kaxxih kaadu agaaguluseenih, Baqal deqsittam yuqbuden. Bica-edde-aben-Baqal yallah haysiten.

2 Aydaad 13:7

Sarrî-daban kaadu anfiqe sinni maritteeta gaabossa heeh, kaak raaqe baxay woo saaku qunxaaneey ixxiga boola kee kasih dagna lehiyyat qeebi abe.

Makaabon 11:3

Too waqdi Yeftac isi toobokok kudeeh; dabqih Toob deqsita aracal gace. Tokkel qamallitte kaa tossokooteeh, kay mara yekken.

1 Samuwel 22:2

Gibdaabini elle suge mara kee, mago edde sugte mara kee, ruffa alle wannaan mari inkih kaa fan yemeete. Too mari tittat affara boolih num yekkeeniih, Dawud abbah keenik gace.

2 Samuwel 6:20

Sarrak Dawud isi buxah marah dooqa aba'gidih yemeete waqdi, Miikal qari afal kaah garayteeh, too waqdi kaak intemii, «Kamba a saaku Israayil amoytaw, kaxxam migaq is teymeeqe! Isi gubal taamita marih baxuuwuy ken naqoosah yanihiyyah foocal, duqur innah qasunuk is hayya hayteeh; kamba migaq is teymeeqeh!» kaak inte.

Xafanya 3:4

Teetil tan nabuwwa kaxxam isinnit yakkaleeniih, yaaminen mara hinnon. Teetil tan seeka taahirik tanim nadaasa abtaah; Yallih xinto isinni faxaanamih taagah makot warsan.

Makaabon 9:27

Qinab xala cooxih adda gexeeniih, qinab ifiillaay qinab kamri akak bicissa heenik lakal, isinnih elle yaaminen yallah lon duyyeh qibaada elle abaana'gidih bicsen qari gexeeniih, tokkel yokmeeniih, yooqoben. Abimalik baaheemil kaa abaarak kaat yaaben.