Makaabon 8:5 - NABUWWA KEE MALIKWA

⁵ Sukkot deqsita arac gufen waqdi, Gidqoon woo magaalah marak iyyeemih, «Sinam yok cawalteh qululteh tanik, sin maganak a marah gaqambo telleenik ken yoh waday; akah genxam, Debac kee Xalmunna deqsita namma malikiy Miidiyanah yoobokehiyyah gaaduuy; nibbixeh ken bahna'gidih genxa'mmay gaqamboh tu telleenik, a mara yoh wada» iyye.

Makaabon 8:5 Referans Kwoze

1 Samuwel 25:18

Toh toobbe waqdi, Abiigal namma boolih gaqamboyta kee, namma saaray qinabak bicsen kamrik kibuk yaniiy, illik konooyuy tusguudeh solal alassehiyyaay, alok koona kafaqaay, kafsen qinab-xaylok bool gaqamboyta kee, sublâ-xayloy kafseenihiyyak namma boolih gaqamboyta sissikuk danoonal eerra hayteh,

Makaabon 8:10

Debac kee Xalmunna, Karkor deqsita aracal isinni qaskar lih yenen. Woo ayrô-mawqa le kabuk temeete qaskarak taban kee koona alfih num elle raqte. Bool kee labaatanni alfih qaskariiti rabeh.

Makaabon 8:12

Too waqdi Miidiyan marih namma malikiy Debac kee Xalmunna deqsitak tenehiyya kuddeh. Takkay immay Gidqoon lakak ken yeyreddeeh sarrak ken yibbixe. Toh tuble waqdi ken qaskar abtam waagisseeh, inkih qaxxaagiteenih.

Makaabon 8:15

Sarrak Gidqoon woo Sukkot mara fan gexeeh keenik iyyeemih, «Duma maaqo qaskarah yoh cinteenim maay kassittan? Debac kee Xalmunna abbixe'kal, qaskaral maaqo yok kalitteenih. Yi qaskar tecleh tene'mmay, Debac kee Xalmunna away baaheh an» keenik iyye.

Makaabon 5:23

YALLIH malaykatti, ‹Meerod abaara› 'yaanam iyye. ‹Wokkel enna 'ya mari mamattinnaay YALLIH xaqut gacaana'gidih mamattinnon. Kay qaskaray kay qeebi abta makkinnon; tonna leemik uma'nna ken abaara› 'yaanam iyye.