Makaabon 7:25 - NABUWWA KEE MALIKWA

²⁵ Too gaadul Miidiyan abbobtih nammay yibbixen. Too namma abbay yibbixeenihiyya migaaqah Qoreb kee Deeb deqsitak yenen. Qoreb deqsita num Qoreb-xixxaqih garil qiden. Deeb kaadu qinab kamri elle bicsan Deeb deqsita aracal qiden. Miidiyan mara lakak ayradduk baaxo cabsiiseeniih; Qoreb kee Deeb moyya irgiqqa heenih Gidqoon fan baahen. Usuk too waqdi Ordon weeqaytuk ayrô-mawqa le kabul keenih suge.

Makaabon 7:25 Referans Kwoze

Yasaqya 10:26

Yoo, YALLAY Nabaamak Nabahiyya duma Miidiyan-mara Qoreb-Xixxaq deqsita aracal oogoreh eneeh, Assuuriyah mara kaadu inni keetalat aagureyyo. Masri mara bad fanah caxxa escesse waqdi elle digaale innal, Assuuriyah mara digaaleyyo.

Yoosuwa 7:26

Amol kaak qalumuk fayya 'ta caddol xeet sittin bagul xiseeniih; woo xeet a saaku fan elle yan. Woo arac a saaku fanah migaaqah Gadaamâ Golo deqsita. Tohuk lakal YALLIH kaxxa bagcarra xamacteh.

Yasaqya 9:4

Woh akah kinnim, luk sugen quuka keenik kalettooh, sunku keenik edde aagaruk sugen caxxa aggilele. Keenit xukkutak sugeeh ken adlumuk suge mara duma Miidiyan mara elle bayisse innal baysele.

Cabakkuk 3:7

Kusaanah yooboke mari, kaak cunxitah innih uble; Miidiyan-mari isi qarwal, kaak cunxitak axaxitah, anu inni namma intih uble.