Makaabon 6:4 - NABUWWA KEE MALIKWA

⁴ Oson elle yanin arac guubuh haysitta heenih, Gaada deqsitta magaalâ fan guffa hayta baaxol yuysubukeenim keenik bayisak yenen. Illi kee laay danoonak elli haanam inkih dannabah keenik been. Edde adoobitaanamak tu keenih macabinnon.

Makaabon 6:4 Referans Kwoze

Miika 6:15

Buqreh qidden darok murti morbissan. Caxâ-xaylok zeyti (saliid) bicsettoonu'mmay tu akak maxagtan. Qinab xaylok kamri bicsettoonu'mmay akak mataaquban.

Qobadya 1:5

«Garqi bar buxa garqa waqdi, buxal sugga 'tem mabeyay, isih faxem addak dooreh beya. Sahda qinab xaylo tafiile waqdi, caxah amot dagom cabta. Takkay immay sin naqboytit gaba siinil haytu wayta saaku, tu siinik macabaanay foyya sin abelon.

Makaabon 6:3

Israayil mari buqreh dariyyu qidinnaan waqdi, Miidiyan-mari, Qamaalek-mara kee ayrô-mawqa le kabul yan mara lih gacca 'yeenih qeebih keenit abak ken abbaxuk yenen.

Ermiyaas 5:17

Buqrek orbissen daro kee buxal liton maaqo sella siinik heelon. Xaylo siinik qidelon. Illi kee wadar kee laa siinik qidelon. Qinab xaylo xala coox kee sublâ-coox siinik argiggiqelon. Kaxxam amo elle meqiton magaalooliy gaso maroh edde tani silaacat bayselon» 'yaanam siinik iyya.