Makaabon 6:24 - NABUWWA KEE MALIKWA

²⁴ Tokkel Gidqoon YALLIH migaaqal sadgat elle aban arac bicse. Too aracak migaaqah ‹Wagri YALLAT yan› 'yaanam iyye. Woo aracay sadgat elle abehiyya a saaku fan Qofra deqsita aracal yan. Qofra, Abiqeder gulub guubuh le aracak ten.

Makaabon 6:24 Referans Kwoze

Makaabon 8:32

Yoqas baxi Gidqoon idoolite saaku rabeeh; kay abbay Yoqas deqsita elle yoogoqeenih sugen aracal kaa yoogoqen. Woo magaq elle yekkem, Qofra magaalaay; Qofra, Abiqeder kedoh mari elle yen magaalak ten.

Yacedkel 48:35

Inkih tan magaalah gaso affara tattabak xexxaarah sagla alfih mitri akkele. Ta magaalah migaq tahak wadir ‹YALLI-akkel-yani› deqsitele» 'yaanam iyye Yalli.

Ermiyaas 23:6

Kay dabaanal Yuudâ-mari waddiimeleeh, Israayil-mari amaanah xiinele. Too malikiy yamaatu waahiyya migaaqah, ‹YALLAY Cakki neh Yekke› deqsitele» iyye.

Ermiyaas 33:16

Too saaku Yuudâ-mari waddiimeleeh, Yarusalaam magaalal yan mari amaanah xiinele. Yarusalaam magaala migaaqah too saaku, ‹YALLAY Cakki neh Yekke› 'yaanam deqsitele.

Makaabon 21:4

Ciggilta ayro maaca dibrot sadgat elle aban arac bicissa heeniih, cado akak carrisan saq sadgatah woo aracih amol carriseeniih, tonnah kaadu amaanah xiinaanamih astah aban sadgat tokkel aben.

Yoosuwa 22:10

Too mari Gallot deqsita aracay Ordon weeqaytuk ayrô-culma le kabut raaqahiyya gufen waqdi, weeqayti garil kaxxam naba aracay sadgat elle abaana bicsen.

Makaabon 6:23

YALLI kaak iyyeemih, «Wagri ko'lih yanay. Marabtak, mameysitin» kaak iyye.

Makaabon 8:27

Sarrak Gidqoon woo dahabak rikek tan ceelo bicissi heeh isih elle yooboke Qofra deqsitta magaalal hee. Sarrak Israayil mari Yalla cabeeniih woo ceelo yuqbuden. Taham Gidqoon kee kay buxah maral edde radoonu waan ofloh innah tanim tekke.

1 Samuwel 7:17

Tokkeek Raamal tan isi buxa fan adaaruk yen. Tokkel kaadu titta wee marih fan mekelak yen. Raamal YALLAH sadgat elle aban arac bicse.

1 Samuwel 14:35

Sarrak Saawul YALLAH sadgat elle aban arac bicse. Duma YALLAH sadgat elle aban arac bicseh masuginna.

2 Samuwel 24:25

Limok gaba kale waqdi, YALLAH sadgat elle aban arac bicseeh; tohuk lakal woo aracal cado akak carrisan laa sadgatah elle qide. Tonnah kaadu, amaanah xiinaanamih astah aban sadgat abe. Too waqdi YALLI kay sadgat oggoleeh, lakimi Israayil baaxok inkih yeerreh.

1 Malikwa 18:32

A taban kee namma xaak YALLAH sadgat elle abak sugen arac bicse. Woo aracat maroh af qunxa boodooda dage. Woo boodooda leek kiboonuh taban kee affara litri faxak yen.

Qedra 3:2

Yahuuxadák-Yaasuwa kee kaa'lih ten seekaay, Saltiyál-Darabbabel deqsita num kee kay ramad, cado akak carrisan sadgat Yallah abaana'gidih, Yallih naqasuh yen Muusal oobe kitab elle iyya'nnal, Israayil doore Dageltah sadgat elle aboonu waan arac nammayhaak soolisen.