Makaabon 6:11 - NABUWWA KEE MALIKWA

¹¹ Tohuk lakal YALLIH malaykatti Qofra deqsitta magaala fan yemeeteeh; wokkel garsâ-gubal daffee. Woo caxa luk tenem, Yoqas deqsita numuy Abiqeder marak radek ten. Kay baxi Gidqoon, Miidiyan-mari kaa akah able waa'nnah, qinab caxah maqab elle bicsan aracal kamadii kee caffa tittat anfiyak suge.

Makaabon 6:11 Referans Kwoze

Yoosuwa 17:2

Yoosuwa wohuk kalah yan maray Manasseh yoobokehiyyah Ordonuk ayrô-culma le kabut raqta baaxol ken xexxar keenih yecee. Manassek too baaxo akah yeceenim maa maraay itteenikii, Abiqeder kee Ceelek kee Asriil kee Seekem kee Ceefar kee Samiidaq deqsitta labhak rade marak ten. Too labha yakkeenimiik Yuusuf-Manassek rade marak yenen. Kulli num keenik isi kedoh exxak abbah yen.

Makaabon 13:3

YALLIH malaykatti teetih yumbulleeh teetik iyyeemih, «Maxalaytoh sugteeh, ahayduma xalteh masuginnito'mmay, ahaysa xayih aadiqettoh lab-baxa xaletto.

Makaabon 8:2

Usuk too waqdi keenik iyyemii, «Anu abem isin abteenimih gide takkem hinna. Isin inkih yan Efrayim marak abteenim, ni mari yakkeemiik abeemik fula le.

Yasaqya 63:9

Ken taqabi kaa taqbiseeh, tonna leemiik luk suggu 'yen gadaamak ken yeyyeeqe. Ken waddem, malayka hinna YALLA ikkala. Keenih le kacanu kee isih le xuwaawak gexxaamah, ken cate. Dumî dabaanal kulli way amo keenik wagitak suge.

Makaabon 5:23

YALLIH malaykatti, ‹Meerod abaara› 'yaanam iyye. ‹Wokkel enna 'ya mari mamattinnaay YALLIH xaqut gacaana'gidih mamattinnon. Kay qaskaray kay qeebi abta makkinnon; tonna leemik uma'nna ken abaara› 'yaanam iyye.

Yoosuwa 18:23

Qawwim kee Faara kee Qofra kee

Makaabon 6:12

Too waqdi YALLIH malaykatti tokkel kaah yumbulleeh, kaak iyyemii, «Qande le agirow, YALLI ko'lih yan» kaak iyye.

Makaabon 13:6

Tohuk lakal woo barra gexxeeh isi baqalak itteemihii, «Yallih num yol yemeeteeh ceelok Yallih malaykattu ceelak yeneeh; kaa uble waqdi, meysi yot culte. Anu usuk akak yemeete'kke kaa messeriyyo; usuk kaaduuy isi migaq yoh mawarsinna.

Makaabon 9:5

Tokkek Qofra akak iyyan magaalal tan abbah-xaylo fan gexeeh, too magaalal yen xaahih amol malcina-taban tooboko inkih yusguude. Takkay immay barah inkih keenik qunxuk yen toobokoytay migaaqah Yootam deqsitahiyya yombooqoreh raaqe.

1 Malikwa 19:19

Tohuk lakal Eliyyas gexeeh, sarrak Eliisaq namma awuruy *madmad edde yanihiyyat abquruk kaah suge. Kaa'lih kaadu *madmadat tittat yoxeen awurwak labaatanna kee namma awuruy nammay nammayah axawah tittat yanihiyyat baaxo yabqure mari yen. Usukuuy salafat keenik tan namma awurut abquruk yen. Sarra Eliyyas saro isik kalla heeh Eliisaqal hee.