Makaabon 6:10 - NABUWWA KEE MALIKWA

¹⁰ ‹Sin Dagelta yoo YALLAAY; ama away isin baaxol akak tanin Amoorâ-mari yalla 'yeenih yaqbudeenim maqbudina› 'yaanam siinik exceh suge. Isiniiy woo yaabat maqal yok mahanniton 'yaanam iyye» keenik iyye.

Makaabon 6:10 Referans Kwoze

Ermiyaas 10:2

YALLI siinik iyyamaa: «Sinam abtam maabina. Qaraanal duma able waak sugten asta tableenimih macunxitina. Sinam annah tan asta table waqdi cunxitaanam tableenimih, isin macunxitina.

Ermiyaas 9:13

Too waqdi YALLI iyyeemih, «Aham keenit akah takku waytaamak sabab macaay intek, yi mari keenih hee xinto yok cineeh, aba keenik excem kee anu keenih ruube kitaabal tanim abe cineenih.

Ermiyaas 43:7

Tonnal YALLI keenik aba iyyem cinna heenih Masri fan gexen. Masri rasuk Tacfanhis deqsitta magaala gufen.

Ermiyaas 43:4

Toh axcuk, Yocanan kee qaskar-abbobtiiy, wohuk kalah tan ummat Yallih amri cineeniih, Masri gexok manaadiya 'yaanamat yemeeten.

Ermiyaas 42:21

Ta saaku YALLAY ni Dageltah yanihiyya siinik iyyem siinih warsah ani'mmay, cintaanah tanin.

Ermiyaas 3:25

Nee kee ni kaxxa abbobti, YALLAY ni Dageltah yanihiyyah amri dumaak cinak sugne. Qunxaanek xabba haanamaay a saakuh amma 'yaanam, YALLAY ni Dageltah yanihiyyal dambi lem bahne. Abne qaybi nee yabbaxay; edde asne qaybi, sartan gurrah, xagar nek buulay› 'yaanam axcih oobbe» iyye.

Ermiyaas 3:13

Qellat lem bahteenim isinnik ixigaay, yooy YALLA kinnih sin Dageltah yanihiyyak amri cinteenim isinnik ixiga. Yi amri cinna hayteenih, silal allinnaan caxah gubal yi aftok duyye taqbuden. Toh qellat kinnim isinnik taaxigeenimi. Tahat yabtam yoo YALLA, keenik inxic› 'yaanam yok iyye» iyye.

Makaabon 2:2

isin kaadu a baaxol yan mara lih hebeltô-bica mahaysitina. Oson sadgat elle aban mansafitte bututtukka haa› 'yaanam siinik exceh en. Takkay immay anu siinik excem maabinnitoonuuy; maabina siinik excem abten. Hay, ceele-waytam abten!

Xafanya 3:2

Yarusalaam magaalah mari YALLIH yab cineeh, YALLI keenik akah xiina iyye meqe manoh xiinaanam cineenih. Imaan YALLAL hoonu cineeniih; kaal cato essera mara makkinnon.

2 Malikwa 17:33

YALLA aqbuduk sugeeniih; YALLA lih kaadu, woo akak yemeeten baaxol aqbuduk sugen duyyey abuk raqtih keenih raqte macabinnoonuy kaadu aqbuduk sugen.

Yoosuwa 24:15

YALLA taqbudeenim faxe wayteenik, ta saakut edde taqbudoonu waytaanam yoo iysixxiga. Yalla aqbude wayteenik, wonnal isin akak radden sin kaxxa abbobti Mesbotaamiyah rasul sugte saaku aqbuduk ten duyyeeya akke kee, hinnay kaadu, away elle tanin baaxol Amoorâ mari aqbuduk suge duyye doortaanama. Yoo kee yi buxah maraay yi buxal taamita marah tu gactekiiy nanu YALLA aqbudenno» keenik iyye.

Makaabon 6:9

Masri mara kee a baaxol yan maray qeebi siinit abehiyyak sin cateh. Isin ken gutuqak temeeten waqdi wadirih ken kudseeh ken baaxo siinih ecee.

2 Malikwa 17:7

Toh akah tekkem, Israayil-mari YALLAY ken dooreh Masri malikik ken cateeh Masril edde sugen caalatak ken yeyyeeqehiyyal dambi lem baaheenimih sabbata. YALLA cabba heenih xeet kee coox yuqbuden.

2 Malikwa 17:13

YALLI, isi farmoytit kee nabuwwa, Israayil kee Yuudâ-marah ruubak suge. Too nabuwwa kee farmoytit, «Ummatey, maabitina. YALLI, ‹Yi amri oggola, yi kitaabay sin kaxxa abbobti dabaanaak obtehiyyay nabuwwâ-gabal siinih heehiyya intam aba› siinik iyya» axcuk sugte.

Nacmiya 9:29

Atu aba intam abe weenik, keenit takku waytaamih garci keenih kalteh. Ku xinto kataata mari isinni rooci wadele'mmay, too mari, ku xintok sah giti ane waam aabbih, kaxxiinitak ku xinto cineenih, keenih warisah darre kot caben.

Ermiyaas 17:23

Duma sin abbobtik tamah exceh suge'mmay, too mari yab yaabbeeh iyyeenim oggola marak masuginnaay, yi yab cineenih. Anu aba keenik excem moggolinnon.