Makaabon 4:13 - NABUWWA KEE MALIKWA

¹³ isi sagla boolih gaariy biriitak bicseeniy faariisat giitak beyaana kee isi marah inkih seece. Carooset-Goyim deqsita aracaak Kisyon-weeqaytu fan ken bee.

Makaabon 4:13 Referans Kwoze

Makaabon 4:7

Too waqdi Yaabin qaskarih abbah yan Sisra baaheyyooh; usukuuy Kisyon deqsita weeqaytih garil qeebi kot abele. Usuk isi gaariira kee qaskar luk amaatele'mmay, qeebil atu kaak aysetto› 'yaanam YALLI kok iyye» kaak inte.

Yoosuwa 17:16

Too waqdi Yuusufuk radde Efrayim kee Manasseh yooboke mari Yoosuwak iyyeemih, «Qaleela le baaxo nek qunxaah; takkay immay Kanqaan maray booxaaxah tan baaxol yanihiyya birtak bicsen gaariiray carbi edde abaanahiyya lon. Too mari elle yanim, Beet-San deqsitta magaala kee tet dariifal tan gaandoodi kee tonnah Yidraqel-Daqar deqsita aracak ten» kaak iyyen.

Makaabon 1:19

YALLI Yuudah yooboke mara cateeh; qaleela mango baaxol yen mara wokkek xiiriyeenih, ken baaxol gacen. Takkay immay baddi dariifal yen mari biriitak bicsen gaariira luk yeneeniih; tohih sabbatah Yuudâ mari keenik iissa 'yeh baaxok ken yayyaaqem maduudinnon.

Makaabon 4:12

Sisra, Barak Taabor-qale yewqem yoobbe waqdi,

Makaabon 5:19

Taqnak deqsita aracal Magiddo deqsita illaltih garil malikwa temeeteh qeebi abte. Kanqaan baaxoh malikwa qeebi abte. Takkay immay oson lakqo mabennon.

1 Malikwa 18:40

Eliyyas too waqdi, «Baqal-nabuwwa ibbixaay baaha. Num keenik gexe kalay ken baaha» iyye. Ummatta woo nabuwwa inkih tibbixeeh; too waqdi Eliyyas, Kisyon-weeqaytu fan beyya ken heeh, weeqayti-garil ken qidsiise.