Makaabon 3:7 - NABUWWA KEE MALIKWA

⁷ Israayil-mari isi Dagelta hawwenna heeh, Baqal kee Aseera deqsittaamay woo mari Yallih aftok aqbuduk sugehiyya ken lih yuqbuden. Tohum YALLIH garil dambik keenil loowinte.

Makaabon 3:7 Referans Kwoze

2 Malikwa 23:6

YALLIH Qibaadah-Qarih-addak, Aseera akak iyyaanamay say-yallah luk sugeenihiyyah-ceelo wokkek kaleh, magaalak afal Kidroon-Golo deqsitta goloh addal gira edde ruube. Too girah gombod sahda elle yaaguqen aracal caxe.

2 Aydaad 33:19

Malik Manasse abe dooqa kee Yalli woo dooqa kaak elle oggole'nnaay; toobitaamak duma dambi kee umaanek abeh gide inkih Nabuwwah-Aydaada deqsita kitaabal yan. Usuk toobitaamak duma, bicsiiseh suge diini maleela qibaada elle abta aroocay fayyat raqtahiyyaay, Aseera deqsittaamay yaqbudeenihiyyah astah heenih sugen gurumuuda elle soolise arooca kee, gabak bicsen duyyeeyay yaqbudeenihiyya elle hee arooca inkih, kaadu woo kitaabal yan.

2 Aydaad 33:3

Kay abba Ciskiyyaahu bayseh suge aroocay diini-maleela qibaadah luk sugtehiyya wadir nammeyhaak bicse. Baqal elle yaqbudeeni'gidih sadgat elle aban arooca bicse. Aseera deqsittaamay yaqbudeenihiyyah astah heenih sugen gurumuuda soolise. Manasse cutuuka kaadu edde aqbuduk yen.

2 Aydaad 24:18

Tonna-leemiik ummatta YALLAY oson akak raden ken kaxxa abbobti elle aamanuk sugtehiyyah xisen qaril abak sugen qibaada cabba heenih, xeet kee cooxuk bicsen duyyeeya kee Aseera deqsittaamay yaqbudeenihiyyah astah soolisen gurumuudah qibaadat gacen. Oson too umaanet aseenim, Yuuda kee Yarusalaam maral Yallih naqabu bahte.

2 Aydaad 15:16

Malik Aasak aboyyah ten barray migaaqah Maqka deqsitak teneh ‹Inah tan maliká› 'yaanam akah axcuk sugeenihiyya woo abbootanak kaleh. Tet abbootanak akah kalem, say-yalla akak iyyan duyyey migaaqah Aseera akah iyyaanahiyyah gurmudday umâ-yabulih-tani soolisseh sugte. Woo duyye wokkek kallaay iggiggilla heeh, Kidroon-goloh addal girat carrise.

2 Malikwa 23:14

Yoosiyaahu taahirik tan qamidwa akak iyyan qamidway xeetik bicseenihiyya yiggiggileh. Aseera deqsittaamay yaqbudeenihiyyah astah heenih sugen gurumuuda yiggileh. Too duyyeeya elle sugte arac sahdayti lafoofit buule.

1 Malikwa 18:19

Taway Israayil marak inkih, Karmel qalel yot ongoorowa inxic. Baqal-nabuwwak affara bool kee kontom gabat bah. Say-yalla akak iyyan duyyey migaaqah Aseera akah iyyaanahiyyay ku barra Idebal cato akah abtahiyyah nabuwwak affara bool gabat bah» kaak iyye.

1 Malikwa 16:33

Tohut maadayinnay qagseh Aseera migaq le say-yalla akak iyyaanam elle yaqbudoonuh gurmudda hee. Tonnah abak YALLAY Israayil doore Dagelta kinnihiyyah bagcarra bahta uma taamat asak suge. Too gital kaak duma sugte Israayil-malikwak inkih fula le umaane usuk abak suge.

Makaabon 6:25

Too bar YALLI Gidqoonuk iyyeemih, «Ku abbah awurwak nammeyhaytoh awuruy malcina karmat yanihiyya bahha haay; ku abba Baqal deqsittaamah sadgat elle aba mansaf butukka hay; tohuk lakal Aseera deqsittaamay yaqbudeenihiyyah astah soolisen gurmudday Baqal-mansafak garit yanihiyya kaadu butukka hay.

Makaabon 3:12

Israayil mari isi uma taamat qagteeh; too uma-taama YALLIH garil dambih keenil loowinte. Oson too umaane abeenimih sabbatah, YALLI, Qeglon deqsita malikiy Mooyab rasul malikih yenehiyyah qande yeceeh keenik yiysiise.

2 Aydaad 34:7

Inkih tan kilbat le kabut raqta Israayil baaxol sugga 'te duyyeeyah heen sadgatih-aroocak kee, Aseera deqsittaamay yaqbudeenihiyyah astah heenih sugen gurumuuda kee, gabak bicsen duyyey yaqbudeenihiyya bututtukkaay riira abba hee. Too duyyeh qibaadah qaydarus elle qeerisak sugen arooca kaadu riira abe. Tohuk gaba kale waqdi, Yarusalaam magaala fanah yuduure.

2 Aydaad 34:3

Malik yekkeemih bacarhaytô sanat gufe saakuy qunxa furraynuh yanihiyya isi kaxxa abba Dawuduk kaxxih, Yallih qibaadat gace. Affara sanatak lakal, diini-maleela qibaada elle abak sugte aroocay fayyat raqtahiyya baysam qimbise. Aseera deqsittaamay yaqbudeenihiyyah astah heenih sugen gurumuuda kee, tohuk kalah tan duyyeeyay Yallih aftok aqbuduk suggu 'yeenihiyya baysam qimbise.

Makaabon 3:8

Tohuk gexxaamah, YALLIH bagcarra keenil obteeh, Kusan-Risqatayim akak iyyan malikiy Mesbotaamiyal dardaarehiyya qeebih keenik iysissa heeh reedah amol keenik hee. Israayil mari bacra sanat kay gubat gace.

Makaabon 8:34

YALLAY ken Dageltah yaniih kulli naqboytiitiy marot ken abbaxuk sugehiyyak ken catehiyya cabeenih.

1 Samuwel 12:9

Takkay immay sin kaxxa abbobti isinni Dagelta hawwenteh. Tohih sabbatah YALLI, Caxor-magaalah qaskarih abbay Sisra deqsita keenit abe qeebil woo marak ken gacsiiseh. Tonnah kaadu, Filistiin mara kee Mooyab marih malik keenit abte qeebil woo marak ken gacsiiseh.

1 Samuwel 12:10

Too waqdi YALLAL cato essereeniih iyyeenimii, ‹YALLAW, ku garil dambi lem bahne. Koo cabba hayneh, Baqal kee Qastarot deqsittam ku aftok nuqbude. Taway naqboytiitik nee cataay; ahaysa koo aqbudenno› iyyen.

Ermiyaas 23:27

Duma ken abbobti Baqal akak iyyan duyyeh qibaadat gacca 'yeenih yok elle yexxeereenih sugen innal, a saaku kaadu oson edde yaaban soonot yi mara yok yayxeereenim faxan.

Makaabon 8:33

Gidqoon rabek lakal, Israayil mari Yallal luk yenen imaan dumak kaxxih kaadu agaaguluseenih, Baqal deqsittam yuqbuden. Bica-edde-aben-Baqal yallah haysiten.