Makaabon 3:31 - NABUWWA KEE MALIKWA

³¹ Eehud lakal Israayil mara cattem, Qanát-Samgar deqsita numuk ten. Usuk Filistiin marak laca boolih num, laa edde dacrisan af le birtat qide.

Makaabon 3:31 Referans Kwoze

Makaabon 5:6

Qanát-Samgar deqsita numih saaku, Yaqel deqsitta say-numih saaku, arho woo baaxoh adda gexak masuginna. Gexenti uqurat xaqu akak gacak sugen.

1 Samuwel 17:50

Tonnal Dawud seef sinnuk, wanxef kee xaat Golyaadak yeyseh.

1 Samuwel 17:47

Akkel yan mari kaadu YALLI isi mara cata'gidih seef kee macaxu faxe waam ablelon. Qeebil taysu waytam YALLAAY; takkeenimik ni gabat sin heele» kaak iyye.

Makaabon 15:15

Sarrak xayi wakti rabe dananih qangabbi-lafa geeh, qununna 'yeh woo qangabbi yakkuqeeh, too lafat alfi num qide.

Makaabon 5:8

Israayil mari Yalla akke sinnim yuqbudeh; too saaku woo baaxol qeebi gace. Morootom alfi yakke Israayil marat gob kee macaxu gabat le num mananna.

Makaabon 2:16

Tohuk lakal YALLI a marih gabak ken yayyaaqu waa makaabon keenih yecee.

1 Samuwel 4:1

Samuwel, YALLI kaa'lih yaabe yab Israayil ummattah warisak yen. Too dabaanal *Filistiin-mari Israayilit qeebi abaana'gidih ugten. Israayil-mari Eeben-Qeder deqsita aracal yinfiddigeeniih; Filistiin-mariiy Afeek deqsita aracal yinfiddigen.

Makaabon 10:17

Sarrak Qammon mari qeebih bical gaceeh; Gilqad deqsita aracal yinfiddigen. Israayil mari kaadu titta lih gacca 'yeh yemeeteeh, Gilqad rakaakayak Mixfa deqsita aracal yinfiddigen.

Makaabon 10:7

Tonna-leemiik YALLI ken yinqibeeh; tohih sabbatah Filistiin kee Qammon mari qeebih keenik iysissa heeh reedah amol keenik hee.

Makaabon 4:1

Eehud deqsita makaabanti rabek wadir, Israayil mari qagteeh YALLIH garil dambi lem baahe.

Makaabon 3:30

Too ayro Mooyab-marak qeebil yeyseeniih; baaxo tohuk wadir bacra-tabanih sanatah amaan tekke.

1 Samuwel 12:9

Takkay immay sin kaxxa abbobti isinni Dagelta hawwenteh. Tohih sabbatah YALLI, Caxor-magaalah qaskarih abbay Sisra deqsita keenit abe qeebil woo marak ken gacsiiseh. Tonnah kaadu, Filistiin mara kee Mooyab marih malik keenit abte qeebil woo marak ken gacsiiseh.

Makaabon 10:11

Too waqdi YALLI keenik iyyeemih, «Duma yan saaku Masri mara kee Amoorah maraay Qammon maraay Filistiin mara kee