Makaabon 21:5 - NABUWWA KEE MALIKWA

⁵ Sarrak iyyeenimih, «Israayil marak Mixfa fanah YALLIH foocal gaabownah amaate wee mari maay yan?» iyyen. Toh akah iyyeenim, Mixfa amaate wee num qideloonumul xiiba culeenih yenen.

Makaabon 21:5 Referans Kwoze

Makaabon 5:23

YALLIH malaykatti, ‹Meerod abaara› 'yaanam iyye. ‹Wokkel enna 'ya mari mamattinnaay YALLIH xaqut gacaana'gidih mamattinnon. Kay qaskaray kay qeebi abta makkinnon; tonna leemik uma'nna ken abaara› 'yaanam iyye.

Ermiyaas 48:10

YALLI aba iyyem baguuk abe waa num abbarsimay. Seef siibe waah qide waa num, Yallih abaaro guftay.

1 Samuwel 11:7

Sarrak namma awur bahha heeh exxa-exxah kuramkurra hee. Tohuk lakal farmoh ruube marak, «A exxaaxi inkih tan Israayil baaxoh mara fan beyaay; ‹Samuwel kee Saawul lih gaaduh gexe wayu waa numih awurwat tama'nnah tanim akkele'mmay, maraaqina› keenik inxica» iyye. Tohuk lakal YALLI Israayil marat cunxo ruubeeh; too meysih num keenik maraaqinnay, yakkeenimiik inkih yemeeten.

Makaabon 21:18

Nanu ninni say-xaylo keenih acee waynaah; rihimih xaylo keenih acayinnaan numul Yallih abaaro obtay 'yaanam inneh nanik, maca abnam tayse?» axcuk mala tittal baahen.

Makaabon 21:1

Israayil-mari qeebi abak naharat, Mixfal gaabowwa 'yeeh Yallah kaxxa qahdi culeenih yenen. Iyyeenimii, «Yallaw, Benyam marah rihimih ninni say-xaylo acee waynaamah xiibinna» iyyeenih yenen.

Makaabon 21:6

Tonna'mmay Israayil-mari Benyam-maray keenih yoobokehiyyah away kaxxam qaaden. Iyyeenimih, «Israayil isi qammih xaylo wayteeh,

1 Samuwel 14:24

Takkay immay too ayro Israayil-mari qululuk gexxaamah boolaateh yen. Toh akah tekkem Saawul, «A saaku naqboytiitik cane gacse'kal, maaqo xaginnaan numul abaaro obtay» 'yaanamal maaqo akme waanamih amri keenil oobiseh ken xibsiiseh yen. Tohuk gexxaamah inkih tan ayro qululut asen.