Makaabon 20:19 - NABUWWA KEE MALIKWA

¹⁹ Yalli toh keenik iyyek lakal, nammayhaytô saaku baaxo maacissa 'te waqdi, qeebih keenih gexeeniih; gaaduh gexxe qaskar Gibqâ-magaalah garil tinfiddige.

Makaabon 20:19 Referans Kwoze

Yoosuwa 7:16

Too ayrok geeri ayro Yoosuwa Israayil mara kedo-kedoh hayya heeh fooca fan baahe. Yuudâ-kedo kaa yuybulleeh, ken gulubuh hayya heeh fooca fan ken xayyoose. Darâ-maray gulubuh tittak yanihiyya kaa yuybulle waqdi, tonnah kaadu, fooca fan ken xayyoose. Ken kaadu buxa kee buxâ-marah hayya heeh xayyoose. Sarrak Dabdî-buxah mara kaa yuybulle waqdi, kay buxah mara fooca fan xayyoose.

Yoosuwa 6:12

Woo ayrol katayta ayro Yoosuwa maaca dibroh ugteeh; qaskar kaaduuy duma Yoosuwa aba keenik elle iyye innal, nammeyhaytoh ayro kaadu naharat fooci-qaskar gacteeh; ken lakat kaadu malciin takke seekay malcina baanta taagure gacteeh; woo seekah lakat YALLIH Qahdih Sandug quukah tabbixe seeka gacte. YALLIH Qahdih Sandug tabbixe seekak ellecabot qaskar gacca 'teh magaalat mermeriten. Tah elle abaanamal baanta aagaruk yenen.

Yoosuwa 3:1

Too ayrok geeri ayro Yoosuwa kee raqqa 'te Israayil ummat inkih maaca dibroh ugutta 'teh woo dabqih elle sugen Tikible-Golo deqsita aracak gexeeniih; Ordon weeqaytuk tabaanam fanah weeqayti xaqul elle yinfiddigen.

Makaabon 20:18

Sarraa, Israayil mari Beetal deqsitta magaalal gaabooweeniih, «Yallaw, Benyam marat naharak qeebi abtu wayta kedo neh escessey?» iyyen. Too waqdi YALLIH garik, «Naharak gaaduh Yuudah yooboke mari gexay» inta qangara temeete.

Makaabon 20:20

Sarrakaa, Benyam marat fooca kee foocah gacca 'yeenih qeebih bicsiten.