Makaabon 2:19 - NABUWWA KEE MALIKWA

¹⁹ Woo makaabonuy Yalli keenih heehiyya rabtek wadir, duma ken kaxxa abbobti abak sugte uma-taamak lafitta 'ta uma-taama abak yenen. Yalla cabba heenih duyyeeya yaqbudeenim dumak laffa haak abak yenen. «Ninnih fanxem abenno» axcuk, uma-gita cabaanam cineenih.

Makaabon 2:19 Referans Kwoze

Makaabon 8:33

Gidqoon rabek lakal, Israayil mari Yallal luk yenen imaan dumak kaxxih kaadu agaaguluseenih, Baqal deqsittam yuqbuden. Bica-edde-aben-Baqal yallah haysiten.

Makaabon 4:1

Eehud deqsita makaabanti rabek wadir, Israayil mari qagteeh YALLIH garil dambi lem baahe.

Ermiyaas 23:17

Yoo buri intit yable marak, ‹YALLI, «Amaanah sin xiiniseyyo. Kullim siinil amqele» siinik iyye› iyyan. Yi yab aabbe waa maray isinnih faxam abahiyyak kaadu, ‹Umaaneh siinit takku waytam mali› iyyan» iyye.

Ermiyaas 16:12

Siinih tu gactek, uma-taamah isinni kaxxa abbobtik lafittaanaah, yi yab yaabbe num siinit mayanaay, yabti-cina kee uma-taamah-abittoh num numuk siinik mayaysaay inki bis liton.

Ermiyaas 3:17

Too saaku Yarusalaam magaalak bagulleytah, YALLIH mulkiinoh korsi, 'yaanam axcelon. Kulli baaxoh mari too saaku yoo yaqbude'gidih amaatele. Tohuk wadir ken afqadoy yabti cina kee umaane lehiyya aba keenik intaamih abittot magacan.

1 Samuwel 15:23

Kay amri cinaanam baab-abittol yaamineenimih gide dambik le. Kaxxa-mariinoh, YALLA cabba heenih xeet kee cooxuk bicsen duyyeeya yaqbudeenimih gide dambik le. Tonnal atu YALLA cinteeh, YALLI kaadu Israayil ummatih amoytiinu koh cineh» kaak iyye.

Makaabon 2:7

Yoosuwa suggu 'yem fanah Israayil mari YALLA aqbuduk suge. Usuk rabek sarra kinni way, YALLI Israayil ummatah abe kaxxa abina isih yuble mari addunyal suggu 'yem fanah, YALLA aqbuduk sugen.

Yoosuwa 24:31

Israayil mari Yoosuwa yanim fanah, YALLA aqbuduk sugeeniih; sarrak usuk rabek sarra kaadu woo kedoh abbobtiy YALLI Israayil marah abem isih tublehiyya tanim fanah, YALLA aqbuduk sugen.

Makaabon 2:18

Sinam keenit xukkuttaah ken biyaakan waqdi, YALLAL weeqah hayya haak yenen. Too waqdi YALLI keenih xuwaawak yeneeh; makaabantu doorru haak yeneeh, too makaabanti addunyal yanim fanah kaa catakaay, woo makaabantih gabat Israayil mari qaduwwik akah yayse'nnah abak suge.

Makaabon 2:20

YALLI toh yable waqdi, kulli way bagcarritak yeneeh, «A mari yi yab cineeh, anu ken kaxxa abbobti lih hee Yalla-kee-xaganal digga iyyoonu cineenih.

Yacedkel 20:30

Tonna leemiik Israayil marak intaamah: «YALLAY Mulki lehiyya siinik iyyaamah, ‹Isin kaadu sin abbobti abak sugte uma-taama macah abtaanaah; isinni nabsi nadaasat macah culsaanah? Oson aqbuduk sugen xeet kee cooxuk bicsen duyyeh lakat macah tarden?

Makaabon 10:13

Hay, yooy toh siinih abah yanihiyya cabba hayteenih xeet kee cooxuk bicsen tumammeh qibaadat gacteenik, tahak wadir tu siinit takkeemih sin macataay;

Nacmiya 9:28

Takkay immay amaanah xiinak sugen waqdi, dambit qagteenih. Too waqdi kaadu ken naqboytiitih gabat radoonay ken inte. Naqboytit gabal ken hayte. Oson toobiteeniih cato kol esseraanam tuble waqdi, qaraanak ken weeqa toobbe. Litoh tan racmattak gexxaamah, koo esseren cato keenih oggolteeh; cato koo esserinnaan waqdi, ken catak sugte.