Makaabon 2:15 - NABUWWA KEE MALIKWA

¹⁵ Carbih gexinnaan waqdi, YALLI akah inxicca 'ye innah, abinnaan carbil ken gacsiisak yen. Tonna-leemiik kaxxa gibdaabinat yenen.

Makaabon 2:15 Referans Kwoze

Miika 2:3

Tohuk gexxaamah YALLI iyyeemih: «Anu too maral bala ruubam faxa. Anu ruubu waa balak num siinik macattiima. Kaxxa gadaamah gadaamitetton. Tahaysa kaxxiinah amo qaraanal haak magexxan.

Ermiyaas 44:27

Masril yan Yuudâ-maraw, tahak wadir sin mawaday, sin baatih ugteyyo. Carbi kee qululut embexxa 'taanam fanah sin macaba.

Ermiyaas 44:11

« ‹Too umaaney abak sugteenik gexxaamah, yoo YALLAY Nabaamak Nabah, Israayil doore Dagelta kinnihiyya tahak wadir bala siinil oobiseyyom yok ixiga. Inkih tan Yuudah-ummat bayseyyo.

Ermiyaas 21:10

A magaala cabam mafaxay baysam faxa. Baabelon malikih gabat tet bayseyyo. Too malik carrissaay gomboduh gacissa tet heele. Tahat yabtam yoo YALLA› 'yaanam iyye» keenik exce.

Ermiyaas 18:8

Sarrak woo mari woo umaaney edde sugehiyyak yuduure kaa tekkek, anu kaadu exceemik aduureyyooh, abeyyo exceemik raaqeyyo.

1 Samuwel 30:6

Dawud maray xaylo seewah akak beenihiyya kaxxam bagcarriteenih yeneenih; Dawud xeetit qidaanam faxak yenen. Tonna-leemik kaxxa gadaama Dawud tibbixe. Takkay immay YALLAY kay Dagelta kinnihiyya kaa cateh, agiirite.

1 Samuwel 14:24

Takkay immay too ayro Israayil-mari qululuk gexxaamah boolaateh yen. Toh akah tekkem Saawul, «A saaku naqboytiitik cane gacse'kal, maaqo xaginnaan numul abaaro obtay» 'yaanamal maaqo akme waanamih amri keenil oobiseh ken xibsiiseh yen. Tohuk gexxaamah inkih tan ayro qululut asen.

1 Samuwel 13:6

Israayil mari isinni adda yuble waqdi, taysem kinnim waagiseenih; keenik garab gabla kee garbo elle tani'kkeh addat yombooqoren. Raaqe garab kaadu xaluuqâ fanat culeeh, dagen arooca kee qelwah addat yombooqoren.

Makaabon 10:9

Qammon-mari kaadu, Yuuda kee Benyam kee Efrayim kedoodat qeebi abaana'gidih, Ordon keenil taben. Israayil mari kaxxa gadaamah addat suge.

Ruut 1:13

ahaksa yi xaylo catteh sin abittam fan maay qambaltan? Ken taagah digibik tabboodeenim maay faxxan? Kata, yi xayloy, ah takkem hinnam taaxigeenih. YALLI yoh maqaane maloowinaay, tekkem siinik yol gibdi» keenik inte.

1 Samuwel 12:15

Tonna hinna'mmay, YALLIH yab aabbe wayteeniih kay amri cinteenik, tonnal YALLI sin kee sin malikil inkih umam baahele.

2 Aydaad 12:1

Racabqam malik tikka 'yeh abbootan maqar bahha kaak hee saakuuk xabba haanam, kaa kee usuk amol akak reede mari YALLIH xinto cinaanam baahen.