Makaabon 2:11 - NABUWWA KEE MALIKWA

¹¹ Tohuk lakal Israayil mari YALLIH garil dambi lem abak maacisen. Yalla cabba heenih Baqal deqsittaamay Yallih innah yaqbudeenihiyyah qibaadat gacen.

Makaabon 2:11 Referans Kwoze

Makaabon 10:6

Israayil mari fiiruk geerah Baqal kee Qastarot deqsittam aqbuduk yeneeh; tonnah kaadu, Suuriya kee Saydaay Mooyab kee Qammon kee Filistiin mari yalla 'yeh yaqbude duyye aqbuduk yeneeniih; tohih sabbatah YALLAL dambi lem baahen. Oson YALLA hawweeneeniih kaa yaqbudeenim cabeenih.

Makaabon 6:1

Israayil mari fiirik geerah dambi lem YALLAL baahen. Tohuk gexxaamah YALLI malcina sanatah Miidiyan-mara abbootanah amol keenik hee.

Makaabon 4:1

Eehud deqsita makaabanti rabek wadir, Israayil mari qagteeh YALLIH garil dambi lem baahe.

Makaabon 3:7

Israayil-mari isi Dagelta hawwenna heeh, Baqal kee Aseera deqsittaamay woo mari Yallih aftok aqbuduk sugehiyya ken lih yuqbuden. Tohum YALLIH garil dambik keenil loowinte.

Makaabon 8:33

Gidqoon rabek lakal, Israayil mari Yallal luk yenen imaan dumak kaxxih kaadu agaaguluseenih, Baqal deqsittam yuqbuden. Bica-edde-aben-Baqal yallah haysiten.

1 Malikwa 18:18

Eliyyas too waqdi kaal gacsemii, «Umaane keenil oobissem, yoo hinnay; umaane keenil oobissem, koo kee ku abba. Isin YALLIH amri cineeh Yalla akke sinni Baqal yuqbude mara kinniton.

Makaabon 13:1

Israayil mari kaadu qagitak YALLIH garil dambi takkem baahen. Tohuk gexxaamah YALLI morootom sanatah Filistiin-mara abbootanah amol keenik hee.

Ermiyaas 9:14

Yi yab cinna heenih dumaak abak yenen makot yanin. Isinni abbobtik kaxxih, Baqal akak iyyan duyyeh qibaadat yanin.

Ermiyaas 2:23

« ‹Away nadaysa leemit maasinnino› elle intaanam mannaay? ‹Baqal deqsitta rooci sinni duyye maqbudinnino› mannal intan? Goloh addal abten dambi isinnik maay taaxigen? Taaxigeenih. Abtaanam isinnik maay tablen? Tableenih. Maatah tan ala tekken.

2 Aydaad 33:6

Girat isi lab-xaylo sadgatah Hinnom-Goloh addal qide. Ramli qidiyya kee sicri taamah haysiteeh, ginnili kee kalluwallel takku-waytam essere. YALLAL kaxxa dambi lem baaheeh; YALLIH naqbi kay sabbatah lafitak lafte.

2 Aydaad 28:2

Duma sugte Israayil amoytiitik kaxxih, Yalli niqbam abak suge. Baqal deqsittaamay Yallih aftok yaqbudeenihiyyah weelol birtak bicse.

1 Samuwel 7:4

Toh oggoleeniih, aqbuduk sugen Qastarot akak iyyan duyye kee Baqal akak iyyan duyyeeyay aqbuduk sugeenihiyyak raaqeenih, YALLIH qibaadah gacen.

Makaabon 10:10

Too waqdi Israayil mari, YALLAL weeqeeh iyyeemihii, «YALLAW, kooy ni Dagelta kinnihiyya cabneh; Baqal akak iyyeenim nuqbudeeh dambi lem kol bahneh nan» iyyen.

Makaabon 3:12

Israayil mari isi uma taamat qagteeh; too uma-taama YALLIH garil dambih keenil loowinte. Oson too umaane abeenimih sabbatah, YALLI, Qeglon deqsita malikiy Mooyab rasul malikih yenehiyyah qande yeceeh keenik yiysiise.

Makaabon 6:25

Too bar YALLI Gidqoonuk iyyeemih, «Ku abbah awurwak nammeyhaytoh awuruy malcina karmat yanihiyya bahha haay; ku abba Baqal deqsittaamah sadgat elle aba mansaf butukka hay; tohuk lakal Aseera deqsittaamay yaqbudeenihiyyah astah soolisen gurmudday Baqal-mansafak garit yanihiyya kaadu butukka hay.

1 Malikwa 22:53

Usuk isi abbak kaxxih, Yallih aftok gabak bicsen ceeloy Baqal deqsita yuqbude. Tonna-leemik YALLAY Israayil doore Dagelta kinnihiyyat bagcarra ugse.

Nacmiya 9:26

«Tohuh, ku mari ku yab cineeh, koo cineh. Atu aba keenik inteemit darre caben. ‹Aham maabina, meqem hinnak› keenik inte nabuwwa qideenih. Too nabuwwa toh keenik akah intem, oson kol yaduureeni'gidi. Koo ceele sinni migaq koh aben.

Ermiyaas 11:10

Ken kaxxa abbobtiy yi amri cintehiyya abak ten dambi, oson kaadu aban. Yalla akke sinni duyyey gabak bicseenihiyya yaqbuden. Israayil kee Yuudah ummat, anu duma ken kaxxa abbobti lih heeh suge qahdi yol makeenih.

1 Samuwel 7:3

Sarrak Samuwel Israayil marak annah iyye, «YALLAL baguuk taduureenim faxxeenik, a duyyeeyay gersi mari yalla 'yeh yaqbudehiyya kee, yalla akak intan Qastarot akak iyyaanamih ceeloy gabat litoonuhiyya wonnah qida. Dudda haytaanam kee, niyak elli haytaanamaak, YALLAL gactaanamaay dibuk kaa uqbuda. Filistiin marih gabak sin cattu waytam, inki Dagelta» keenik iyye.

1 Samuwel 12:10

Too waqdi YALLAL cato essereeniih iyyeenimii, ‹YALLAW, ku garil dambi lem bahne. Koo cabba hayneh, Baqal kee Qastarot deqsittam ku aftok nuqbude. Taway naqboytiitik nee cataay; ahaysa koo aqbudenno› iyyen.

1 Malikwa 11:5

Qastarot deqsittaamay Saydâ mari say yalla axcuk Yallih aftok yaqbudehiyya ken lih yuqbude. Tohuk kalah kaadu, Qammon mari yallah luk yen Milkom deqsittaamay umam yabulih tanihiyya ken lih aqbuduk yen.

2 Aydaad 28:3

Hinnom deqsitta golol gabat bicsen duyyeh qaydarus qeerisak suge. Kaadu girat isi xaylo sadgatah qide. Woh akah abem, Israayil-mari yamaateemik naharal woo baaxol suge maray YALLI yeyyeeqehiyyak raaqisen umâ-yabulih tan qaadah gabbaaqiyyak ten.

Ermiyaas 2:20

«Israayil ummatey, yi yab dumaak cinten. Yi amri cinteeniih, ‹Koo manaqbuda› inten. Too waqdi qaleelah amo kee kaxxa cooxih gubal, niqmat neh baahele akak intan duyye qibaadat gacak, dalwa abten.

Ermiyaas 16:11

Too waqdi keenik intu waytaamah: YALLI siinik iyyaamah, Dumî dabaanal isin akak radden sin kaxxa abbobti yoo cabba hayteh gabak bicsen duyye aqbuduk sugen. Yi yab kee anu keenik aba exceemit maqal mahaysitinnoonuuy cinak sugen.

Ermiyaas 32:23

Takkay immay a baaxo guffu heenih teetil dabaaqah gaceenik wadir, ku yab kassitak maraaqinnon. Atu keenik aba intem kee keenik akah xiina inte xinto cineenih. Aba inteh ken akah amrisseemik tu aboonu cineenih. Tonna leemiik a bala keenil oobisse.