Makaabon 19:6 - NABUWWA KEE MALIKWA

⁶ Balli, «Meqeh hay» iyyeeh, sarrak maaqo baahen waqdi nammayak daffa 'yeenih yokmeeniih, yooqoben. Tohuk gaba kalen waqdi, kay balli qagseh kaak iyyeemih, «Ahaysa magexinay ku maganah farcitaay elle ne'lih xin» kaak iyye.

Makaabon 19:6 Referans Kwoze

Makaabon 19:9

Too ayrot edde waqlak wadir, ballu kee kay barra kee isi taamah num gexoh ugutteeh; too waqdi balli iyyemii, «Ayro korteh bari yakkem faxam matablaana? Ahaysa bari siinit akkelek, magexinay elle xinna 'xicay, beera saaku dibrot ugutta 'teenih gexetton» kaak iyye.

Ruut 3:7

Booqas makmo kee maqubuk gaba kalla hee waqdi xagar kaak ruffu iyye. Sarrak tittak bagul kobxisen caffali daroh xaquk xiina'gidih qaxah gacca 'ye. Too waqdi Ruut raarisak amma 'teh edde yumbuduude saro ibak kaak cankaffa hayteh ibi gubgubat kaak inaaqitte.

Aster 1:10

Malcinhaytoh ayro malik qinabak bicsen kamri yooqobeeh, sarrak xagar kaak dagoom laqte waqdi, seelabu le marih malciiniy dibuk kay farmot yenehiyyah seece. Too mari migaaqah Mahuman kee Bidta kee Carboona kee Bigta kee Abagta kee Deetar kee Karkas deqsitak yenen.

1 Samuwel 25:36

Tohuk wadir Abiigal, Nabal fan tuduureeh; elle tuduure ikkel kaxxa xiglah addat sugeeh, iskirra 'yeh kaxxa farcit suge. Too ayro yab kaa'lih maabinnaay,

Makaabon 9:27

Qinab xala cooxih adda gexeeniih, qinab ifiillaay qinab kamri akak bicissa heenik lakal, isinnih elle yaaminen yallah lon duyyeh qibaada elle abaana'gidih bicsen qari gexeeniih, tokkel yokmeeniih, yooqoben. Abimalik baaheemil kaa abaarak kaat yaaben.

Makaabon 19:7

Leewih yooboke num gexoh ugteh immay, balli kaat qagamqagseh, «Ahaysa ne'lih xin, saaku gexettok» kaak iyyeeh; ellecabol elle xiine.

2 Samuwel 13:28

Kay taamat yan marak iyyemii, «Amnon kaxxam yaskirem tablen waqdi, cubbusak suggu 'xicay; anu amri siinih aceeyyok, isin kaa qida. Mameysitina. ‹Macah kaa qiddeeniih?› siinik iyya mari yenek, yoo liton. Labha tikaay, tamahal namma kalbi mahana» keenik iyye.

1 Malikwa 21:7

Idebal too waqdi annah kaak inte, «Meqehik, atu malik kinnitoo hinnito? Katay, qarkaytok ugutay, mawariggitinay maaqo ukum. Nabotuk qinab-booxa anu koh ayyaaqeyyok, ama ikkek ugut» axcuk aytikuma kaah tecee.