Makaabon 19:5 - NABUWWA KEE MALIKWA

⁵ Fereyhaytoh ayro saaku dibrot ugutta 'yeenih gexaana'gidih bical gacen. Awkáh abbah tu gactek, iyyeemih, «Naharak maaqo afah xag. Kot amqeleeh gexo sarrak abettok» kaak iyye.

Makaabon 19:5 Referans Kwoze

Makaabon 19:8

Konoyhaytoh ayro saaku dibroh ugutta 'yeh gexam faxa waqdi, awkáh abba kaak iyyeemih, «Naharak ku maganah tuk teena afah xagey gexo carra abettok» kaak iyye. Sarrak ballu kee ballu maaqo daffa 'te titta lih tokme.

1 Malikwa 13:7

Sarrak malik kaak iyyeemih, «Yoh abte maqaaneh galto koh gacseyyok, buxa nee bey, maaqo xagta'gidih» kaak iyye.

1 Samuwel 30:12

Toh lih kaadu sublâ-xayloy kafseeni kee qinab-xayloy kafseenihiyya kaah yeceen. Tohim yokmek lakal, inti kaak fakkinteh. Inkih tan sidiica ayro lee kee maaqok tu afah baaheh masuginna.

Makaabon 19:4

«Buxal qibnaytiinoh sidooca ayro suge wayteenik, sin maruuba» 'yaanam iyyeeh; sidooca ayro qibnaytiinoh isi buxa elle ken sugse.