Makaabon 19:18 - NABUWWA KEE MALIKWA

^18-19 «Elle sugnem, Yuudâ-rasuk Beetlacam magaalaay; away genxam, ninni baaxo. Baaxo nek Efrayim rasuk qaleela mango exxay xeeruk raqtahiyyal tan» kaak iyye. «Beetlacam fan gexeeh, away inni buxa fan gacah an. Nakme'gidih gaqambooy, maqabah qinab kamri linooh, danoonâ-qayso kinni way ninnih linoh immay, xiinih buxah nee beya mara nableh manan» iyye.

Makaabon 19:18 Referans Kwoze

Makaabon 18:31

Yalla elle yaqbuden siraq Siilo deqsita aracal udduruk suggu 'yem, a ceeloy duma Miika luk sugehiyya kaadu Daan magaalal elle sugte.

1 Samuwel 1:7

Kulli-way tannah tanim teetil baahak mango sanoota sugte. YALLA elle yaqbuden arac gexinnaan waqdi, Faninna, is anqibinnaanim teetik abak teneeh; too waqdi Canna weeqah hayya haytah maaqo edde cinak ten.

1 Samuwel 1:3

Kulli sanatal Elkaana, Raama akak iyyan baaxook, Siilo deqsitta magaala fan, YALLAY Nabaamak Nabahiyya yaqbude'gidiiy kay sadgat aba'gidih, amaatuk yen. Tokkel Qeli deqsita numih xayloy migooqah Cofni kee Fincas deqsittahiyya YALLIH seekah yenen.

Makaabon 20:18

Sarraa, Israayil mari Beetal deqsitta magaalal gaabooweeniih, «Yallaw, Benyam marat naharak qeebi abtu wayta kedo neh escessey?» iyyen. Too waqdi YALLIH garik, «Naharak gaaduh Yuudah yooboke mari gexay» inta qangara temeete.

Makaabon 19:5

Fereyhaytoh ayro saaku dibrot ugutta 'yeenih gexaana'gidih bical gacen. Awkáh abbah tu gactek, iyyeemih, «Naharak maaqo afah xag. Kot amqeleeh gexo sarrak abettok» kaak iyye.

Yoosuwa 18:1

Baaxo qeebit yibbixeenik lakal, inkih tan Israayil ummat Siilo deqsitta magaalal gaaboowen. Tokkel Yallih Nabnah-Siraq soolisen.

Makaabon 17:7

Too dabaanal kaadu Leewih yooboke furrayni Beetlacam deqsitta magaalay Yuudâ rasul geytintahiyyal dabqah suge.

Makaabon 19:17

A idalti magaalak gudel ken yuble waqdi keenil yemeeteeh, «Ankek temeeteeniih, anni baaxo fanah gexxaanaah?» keenik iyye.