Makaabon 18:13 - NABUWWA KEE MALIKWA

¹³ Tokkeek gexeeniih, qaleela mango Efrayim baaxol gacak, Miikâ-qari elle geytima arac yemeeten.

Makaabon 18:13 Referans Kwoze

Makaabon 19:1

Israayil mari malik luk suge wee dabaanal, uli Leewih yooboke num yen. Too num Efrayim-rasuk qaleela le baaxok darre le kabut raqta baaxol buxah yen. Too num Yuudâ-rasul geytinta Beetlacam-magaalak, caggoytâ-gubih caggoyta kaah takke'gidih, baxuwwa bee.

Makaabon 17:1

Dumah yan saaku Miika deqsita num suge. Too num dabqah Efrayim rasuk qaleela mango baaxol suge.

Yoosuwa 24:33

Haaruun baxi Alqedar kaadu rabeeh; Gibqa deqsitta magaalal kaa yoogoqen. A arac Efrayim rasuk qaleelah tan baaxol geytima aracay kay baxa Fincasah yeceenihiyyak ten.

Yoosuwa 24:30

Efrayim rasuk qaleelah tan baaxol, Gaqas deqsitta qalek kilbat le kabut raqta Timnat-Serac deqsitta magaalay Israayil mari kaah yeceeh sugehiyyal kaa yoogoqen.

Makaabon 18:12

Gaaduh daqaarimeeniih, Yuudâ-rasul Kiryat-Yaqaarim deqsita magaalak ayrô-culma le kabuk raaqe aracal yinfiddigen. Too aracak ta saaku fanah migaaqah Daan-Mafdaga 'yaanam iyyan.

Makaabon 18:14

Duma Laysâ-magaala gibah gexeh suge koona num, gaaduh yemeete marak iyyeenimih, «A qarwak qarik teenal lakqok bicsen ceeloy yaqbudeenihiyya tan. Tohuk kalah aki duyyey yaqbudeenihiyya kee rikeek tan saroy sek haysita elle tanik, tahak maca abnam tayse?» iyyen.