Makaabon 18:12 - NABUWWA KEE MALIKWA

¹² Gaaduh daqaarimeeniih, Yuudâ-rasul Kiryat-Yaqaarim deqsita magaalak ayrô-culma le kabuk raaqe aracal yinfiddigen. Too aracak ta saaku fanah migaaqah Daan-Mafdaga 'yaanam iyyan.

Makaabon 18:12 Referans Kwoze

Makaabon 13:25

Usuk Daan-Mafdaga deqsita aracay Xorqa kee Estooluk fanal yanihiyyal yan saaku, YALLIH *Roocaaniyya maqar kaat hayte.

Yoosuwa 15:60

Kiryat-Baqalay a saaku Kiryat-Yaqaarim deqsitta kee Rabba deqsitta namma magaala kenim tekke. Toh lih kaadu woo namma magaalah dariifal sugga 'te gaandoodi inkih kenim tekke.

2 Aydaad 1:4

Yallih Qahdi addat akak yan Sandug Yarusalaam magaalal Malik Dawud soolise siraq addat daanat yen. Malik Dawud a Sandug Kiryat-Yaqaarim deqsitta magaalay elle sugehiyyak bahha heeh, Yarusalaam magaalal hee.

1 Samuwel 7:1

Toh yoobbe waqdi Kiryat-Yaqaarim mari yemeeteh, woo sanduguy YALLIH Qahdi addat akak yani beeniih, Abinadab deqsita numih buxah been. Abinadab guubuh koomah amol yen. Kay baxay migaaqah Alqedar deqsitak yenehiyya, woo sandugih dacayrit akah gaca'nnah, YALLIH garil taahirik yan num kaa aben.

Yoosuwa 9:17

Too waqdi Israayil mari safarah ugteeh; sidiica ayrok lakal, Gibqon mari elle suge magaalooli gufen. Woo magaaloolih migaq Gibqon kee Kafiira kee Beerot kee Kiryat-Yaqaarim deqsitta magaaloolik ten.

Yoosuwa 15:9

Tokkek xabba haanam cuduud keenik Neftowa deqsita buyyik bisoh gexak Qefron qaleh xaqul tan magaaloolih amma 'yaanam fan gufe. Tokkeek Baqala deqsitta magaalay a saaku Kiryat-Yaqaarim deqsittahiyya fan makka 'yaah;

Makaabon 18:11

Too saaku toh yoobben waqdi, kedok lica boolih num Xorqa kee Estooluk gaaduh gexen.

Makaabon 18:13

Tokkeek gexeeniih, qaleela mango Efrayim baaxol gacak, Miikâ-qari elle geytima arac yemeeten.

1 Samuwel 6:21

Kiryat-Yaqaarim marah fan farmo ruubeeniih iyyeenimii, «Filistiin mari YALLIH Qahdi addat akak yan Sandug gacseenihik, amay beya» keenik iyyen.