Makaabon 17:3 - NABUWWA KEE MALIKWA

³ Too lakqo isi inah gacseeh; too waqdi is intemii, «Yi baxa cata'gidih, a lakqo YALLIH sadgatah aceem yol tan. Tonna leemiik a lakqok yaqbuden duyyeeya bicsiiseyyo. Awayah tu gactek, lakqo gacsah koh aceeyyo» inte.

Makaabon 17:3 Referans Kwoze

Ermiyaas 10:8

Yakkeenimik inkih duquuraay; hawri akak gexe mara kinnon. Cooxuk bicsen duyyey yaqbudeenihiyya tu ken barissu madudda.

Yasaqya 66:3

«Sahda isih faxxem abbaasitta. Sadgatah saq qidaanam kee sahda qidaanam keenil inki gide. Anaqtu qidaanam kee kuti filla yaggileenimiiy, daro sadgatah baahaanam kee ceray qabala sadgatah caxaanam keenil inki gide. Qaydarus qeerisaanam kee, deedaltam yalla 'yeenih yaqbudeenim keenil inki gide. Yalla umâ-yabulih yan gital yaqbudeeniih, tohut ruffa iyyan.

Makaabon 18:5

«Hay tonnal, abnah nan safar nel yamqem kee amqe waam Yalla neh esserey» kaak iyyen.

Makaabon 17:13

Miika isi niyal, «Leewih yooboke sek geek wadir, YALLI kullim gabal yok aymaaqele» iyye.

Makaabon 17:2

Too num ayrok teena alfi kee bool garsi inak garqoh bee. Sarrak inak iyyemii, «Yi inay, woo lakqo garqoh kok bee num abaarah koo oobbeh en. Takkay immay lakqo kok beytem yooy, koh gacsahak, ayka» iyye. Kay ina toh toobbe waqdi, «Yi baxaw, YALLI barkat kot haay» kaak inte.

Makaabon 17:4

Takkay immay usuk beeh suge taaxige lakqo inal gacse. Kay ina woo lakqok namma boolih garsi beyya hayteeh, lakqok duyye bicsa naggaaral tecee. Too num woo lakqok yaqbuden duyyeeya bicse. Sarrak too duyyeeyay yaqbudeenihiyya Miika buxal heen.

Makaabon 18:30

Taaxige ceeloy lakqok bicseenihiyya yaqbudeeni'gidih soolisen. Muusak baxi baxah yen Gersóm-Yonaatan deqsita num Daan marih seekih yeneeh; usuk rabek wadir kaak rade mari, Daan mara marin baaxo seewah beyya haanam fanah ken seekah sugen.

Yasaqya 30:22

Dahab kee lakqo bagul akak hayten duyyey aqbuduk sugteenihiyya beyya hayteenih, guddaafa elle qidan gurrah baaxot qidettoonuuh, foocak nek kala 'yaanam axcetton.

2 Aydaad 33:7

Yallih Qibaadah-Qarih addal gabak bicsen ceeloy yaqbudeenihiyya hee. Woo ceelo elle heem, Yalli Malik-Dawud kee Suleemanak, «Yi qibaada kulli way elle takke'gidih, Israayil taban kee namma kedo elle tan rasuk inkih Yarusalaam addak doore araca» akak iyye aracak ten.