Makaabon 17:10 - NABUWWA KEE MALIKWA

¹⁰ Too waqdi Miika, «Wonnal akkel buxah yo'lih gacaay; fayu yoh aceettooh, sek yoh akketto. Wohoysa, sanatal tabna garsi koh aaxigeyyooh, sartan kee maaqô tiyak kaadu yoo lito» kaak iyye.

Makaabon 17:10 Referans Kwoze

Yacedkel 13:19

Inki gaba kibe wayta gabru deqsitta daro akke kee, hinnay kaadu, gaqamboytâ-rike geytaana'gidih, sahdak foocal qaybik yoo qiddan. Yi maray sin yab numma yakkaleenihiyyal dirab acayuk, rabi akah aguude waa mara qiddaanaah, rabi akah yaguude mara cabtaanah. Tonnal qaybik yoo qiddan› siinik iyya» iyye.

Yasaqya 22:21

Atu luk sugte dallaabiya kee bagi boor kaat heeyyo. Atu luk sugte abbootan kaah aceeyyo. Yarusalaam kee Yuudâ-rasuk abba kaa abeyyo.

2 Malikwa 13:14

Wohuk duma, nabi-Eliisaq kaxxa lakimah lakmiseeh; kaxxam biyaakitaah deerih yan waqdi, Israayil malikih yen Yahoqas kaat boysita'gidih yemeete. Kaa yuble waqdi amol kaak weeqeeh, «Yi abbaw, yi abbaw, Israayil kalaluh lem kook sugte» axcuk boogise.

2 Malikwa 6:21

Israayil malik a Suuriyah-mara yuble waqdi, «Yi abbaw, ken qidoo? Ken qidoo?» iyye.

1 Samuwel 2:36

Kok rade marak saaboh raaqinnaan mari a seekiy anu dooru waahiyyah durruyyatal lakqo kee maaqô-kallacih gexele. «Labhay, maaqô-gide edde geyna taamat nee haa; sin akdumennok», axcuk ken kallacelon 'yaanam kok axce› » kaak iyye.

Makaabon 17:11

«Meqeh hay» iyye. Sarrak baxi gide kaah yekke.

Makaabon 17:9

Buxa elle yemeete'kkel, Miika, «Manni kabuk temeete?» kaak iyye. «Anu Leewih yooboke num kinniyooh, akak emeetem Yuudâ rasuk Beetlacam magaala. Tonna'mmay awayii, buxah elle gaca'kkeh goranah safarah an» kaak iyye.

Makaabon 18:4

«Akkel Miika lih aniih, ‹Yi buxal gacaay sek yoh tik, wohul galto koh aaxigeyyo› yok iyyeeh; wohul titta geyneh. Wonna leemiik akkel kaa'lih an» keenik iyye.

2 Malikwa 2:12

Eliisaq toh yubleeh; too waqdi Eliyyasah deeriseeh, «Yi abbaw, yi abbaw, Israayil gaari kee faariisah maraw! Gexxeh, gexxeh!» iyye. Tohuk wadir Eliisaq, Eliyyas abaluk maraaqinna. Sarrak Eliisaqah abe rookah saro namma'kkel isik qanxise.