Makaabon 16:24 - NABUWWA KEE MALIKWA

^24-25 Too waqdi kaxxam yifriceeniih, sarrak «Samsoon nee yaysussuule'gidih kaah neh seeca» iyyen. Oson casbik kaa yeyyeeqen waqdi, ken akah yaysussuule innah kaa absiisen. Kaa yublen waqdi oson yallah lon duyye fayliseeniih, iyyeenimih, «Ni yalli, ni baaxo bayseeh mango mara nek qide numuk nee yiysiiseh» axcuk saare aben. Sarrak qamidwak fanat kaa soolisen.

Makaabon 16:24 Referans Kwoze

Daaniyel 5:4

Oson woo qinabak bicsen kamri yooqoben waqdi, Yallih aftoh lon duyyey dahab kee lakqooy nacaas kee birtaay xeet kee cooxuk bicseenihiyyah saare aben.

Cabakkuk 1:16

Wohut mayaadiyaanaay, woo sabooka yaqbudeeniih, sadgat akah aban. Toh akah abaanam, too sabookat isinnih faxxa haan maaqo geyaanaah, farcitak xiinan.

Daaniyel 5:23

qaraanal yan Goytak giddih tan taamah taamitteeh; kay qarik dannabah orbisen kobbaayiy kee sacnittel, koo kee ku xintoh miracwaay ku agabu kee caggô-gubbih caggoh ginnaaqot lito agabu, qinabak bicsen kamri tooqoben. Too waqdi yalla axcuk dahab kee lakqooy nacaas kee biriitaay coox kee xeetik bicissen duyyey tu aabbe waytah tu able waytah tu aaxige waytahiyya faylisse. Yallay koo wadaah koo qidaah atu abba haytem inkih gabat lehiyya massakaxxinnito.

Yacedkel 20:14

Takkay immay woo ken beyah yoo yuble marih foocal, Yalli ken bayseh 'yaanam innit cabam mafaxinniyo. Tonna-leemiik, inni migaaqih taagah inni naqabu keenil oobisaamak wadir eedeh.

Yasaqya 37:20

Tonna'mmay ta saaku YALLAW, ni Dageltaw, ta numih gabat rade nee kal. Ta numih gabak nee teyyeeqek, kok sa YALLAW, Yalli ane waam, baadal tan doolatwa inkih aaxigele» 'yaanam dooqah iyye.

1 Aydaad 10:9

Too waqdi moyya kaak kallaay xaqul kaak suge silac seelabba heenih gexen. Yalla 'yeenih yaqbuden duyyeeyay sahda gabak bicissehiyya elle yaqbuden qaril yan mara kee, isinni ummatah a xaagu warisu waa mara ruuben. Too mari ta xaagu beya'gidih gexeeh, a xaagu ummatat qiden.

1 Samuwel 31:9

Too waqdi Saawuluk moyya yirgiqeeniih, seef kee birtak bicsen duyyey xagarat mudum waasoh haanahiyya kaak seelebeenih. Yalla 'yeenih yaqbuden duyyeeyay sahda gabak bicissehiyya elle yaqbuden qaril yan mara kee, isinni ummatah a xaagu warisu waa mara ruuben. Too mari ta xaagu beya'gidih gexeeh, a xaagu ummatat qiden.

Makaabon 15:16

Too waqdi tirtiriseeh, «Rabe dananih qangabbit alfi num qide. Danan lafat alfi num qide. Raysa tittin bagul keenik hee» axcuk tirtirise.

Makaabon 15:8

Tohuk lakal caylah ken yibbixeeh mango mara keenik qide. Sarrak gexeeh Qetam deqsitta boolok bagut tan gablah addat yombooqore.

Makaabon 15:14

Laci deqsita arac yemeete waqdi, Filistiin mari waxxaq axcuk arduk kaa fan yemeete. Garciik YALLIH *Roocaaniyya cayla kaat hayteeh, too waqdi caray kee mogoyut axawah kaak suge namma akat gira tokme tafulta elle yargiqen gurral yirgiqe.