Makaabon 16:20 - NABUWWA KEE MALIKWA

²⁰ Sarrak anay fayya haak, «Samsoonow, Filistiin mari kot yemeeteh» inte. Too waqdi usuk xiinik ugteeh; dumaak akah abak suge'nnah, ugutta 'yeh daqaarimma axcelem yekkeleeh; YALLI wakalih kaa'lih mayanim maaxaginna.

Makaabon 16:20 Referans Kwoze

1 Samuwel 16:14

YALLIH Roocaaniyya Saawul xagarak gexxeeh; YALLI kaal ruube ginni kaa biyaakeh.

1 Samuwel 18:12

Too ayrok wadir Saawul, YALLI isi cabeeh Dawud lih yanim yubleeh, Dawuduk meysitak raaqe.

Yoosuwa 7:12

Israayil mari naqboytiitit akah koysite weem tohih sabbata. Wadir wadirih keenik yoowweenih; toh akah keenit tekkem, keenit kaadu baatî-cokmi yekkeemih sabbata. Isinnih mahaysitinay bayisa siinik exce duyye bayse'kal, sin qaxat magaca.

2 Aydaad 15:2

too num tohuk lakal malik Aasat matra'gidih gexe. Anay fayya heeh deero kaah abeeh, «Malik Aasaw, yoo ankacis. Yuuda kee Benyam maraw, kaadu yoo ankacisa. Isin YALLIH mara tekkeenik, YALLI kaadu sin lih anele. Niya kaa fanah hayteenik, kaa gee liton. Takkay immay darre kaat cabteenik, darre siinit cabele.

Hosiqa 7:9

Too mari qande ken waysiiseemit isinnik maradan. Qumri keenik sugu waam dagoh gide kinniimit maradan.

Yasaqya 42:24

Israayil-mara seewah sinam gabal haytem iyya? Israayil-mara ken buubu waa marih gabal haytem iyyaay? Taham inkih YALLI keenik abeemi. Dambi lem YALLAL bahneeh; tohuk gexxaamah tamah nel baahe. Yallih gita katayaanam cineeniih, kay amri yaabbeenim cineenih.

Makaabon 16:14

Too waqdi xin kaat yamaate'gidih, kaa soocarteeh; xin kaat yemeete waqdi, malcina xagorta kaak tafulwa luk sookteh. Sarrak mudeynat digga hayte. Too waqdi anay fayya haak, «Samsoonow, Filistiin mari kot yemeeteh» inte. Takkay immay Samsoon ugte waqdi xagorta sookok isik kaleh.

Makaabon 16:9

Too qarik gersi golih addat tet qambaala mari yen. Is too waqdi anay fayya haak, «Samsoonow, Filistiin-mari kot yemeeteh» inte. Takkay immay usuk woo waqdi woo qarum, gira tafulwat gexxa waqdi duufut elle taggiriqe'nnal, yirgiqe. Tah yublen waqdi, ta numih qande akak tani'kke waagiseenih.

Makaabon 16:3

Takkay immay Samsoon woo barra lih xiinit sugem, inkih yan bar hinna'mmay barak gudek ten. Sarrak ugutta 'yeeh woo magaalak culmeynah yemeeteeh; too waqdi woo gasoh alif kee alfinti cooxuuy mafaatic inkih kalla heeh, wohim inkih sunkut hayya heeh, Cebron magaala akak tambulle qaleh amo fan luk yewqe.

Makaabon 16:19

Daliila Samsoon gurumbal isik hayya hayteh, xiina'gidih kaa saacorteeh; sarrak Samsoonuk malcina xagorta amok kaak yargaqu waa numuh secte. Woo num woo xagor kaak yirgiqeh. Tohuk lakal usuk luk yen qande cabeh. Tonnal kaa boolasseeh luk yen cayla kaak beyte.

Makaabon 16:21

Filistiin mari kaa yibbixeeh, namma inti kaak yeyyeeqeenih. Gaada deqsita arac kaa beeniih, tokkel nacaasak bicsen silsilatat kaa yoxeen. Casbit kaa heeniih daro eceyyal kaa riysiisen.

1 Samuwel 18:10

Nammayhaytoh ayro garciik Yalli ruube ginni Saawulut culeeh xagar kaak yimlikeh. Isi qarih addal cissit ane sinni numih innah gabaak yaabe. Too waqdi Dawud kulli saaku akah abak yene'nnah *begena aagaruk kaa sahhaloysam yekkele waqdi, Saawul, «A gabat abbixe macaxuh kaat heeh gidaarat kaa maay xakbiso?» 'yaanam kaal temeete. Tohuk lakal woo macaxu namma adda kaat haa'gidih qide. Dawuduh tu gactek, namma adda inkih walel is raaqise.