Makaabon 15:11 - NABUWWA KEE MALIKWA

¹¹ Too waqdi Yuudâ-marak sidiica alfih num woo Qetam qalek boolok bagut tan gabla fan gexeeniih, Samsoonuk, «Filistiin-mari ni amol yanim mataaxiga innaa? Annah tanim macah nel bahte?» kaak iyyen. Usuk keenik iyyemii, «Oson yol baaheenim keenil baahe» keenik iyye.

Makaabon 15:11 Referans Kwoze

Makaabon 14:4

Kay xaleena aham kaa absissam, YALLA kinnim maaxaginnaay; YALLI Filistiin-maral umaane baaham faxak yen. Too dabaanal Filistiin-mari Israayil-marak reedah amol yenen.

Makaabon 13:1

Israayil mari kaadu qagitak YALLIH garil dambi takkem baahen. Tohuk gexxaamah YALLI morootom sanatah Filistiin-mara abbootanah amol keenik hee.

Makaabon 15:10

Yuudâ-marih labhay, «Macah nee gaaddan?» keenik iyye. Osonuuy, «Nanu Samsoon casbit hayya hayneh too nel bahha heem kaal bahnam fanxa» keenik iyyen.

Makaabon 15:12

Too waqdi kaak iyyeenimih, «Nanu akke akah nemeetem, uxuyya koo hayneh ken gabal koo hayna'gidik, gablak eweq» kaak iyyen. Usuk keenik iyyemii, «Isin isinnih yoo qide waytaanamih xagna yoh cula» keenik iyye.

1 Aydaad 4:3

Qetam lab-xaylo, Yidraqel kee Yisma kee Yidbas deqsitak yeneeniih; maqanxá keenik Haxxalfooni deqsitak ten.