Makaabon 14:6 - NABUWWA KEE MALIKWA

⁶ Too waqdi garciik Yallih Roocaaniyya qande kaat hayteeh; gab-qassih anuk, mooti innah, too lubak namma ikkel kure. Takkay immay aham abem isi ina kee abbah mawarsinna.

Makaabon 14:6 Referans Kwoze

Makaabon 3:10

YALLIH *Roocaaniyya kaal obteeh; too waqdi Israayil ummatak abba yekke. Sarrak Mesbotaamiyah malikiy Kusan-Risqatayim deqsitehiyyah gaaduh gexeeh, YALLI too malikik qeebil kaa yiysiiseh.

1 Samuwel 11:6

Saawul tah yoobbe waqdi, Yallih *Roocaaniyya isi milkih kaa hayya hayteeh, too waqdi bagcarrite.

Makaabon 13:25

Usuk Daan-Mafdaga deqsita aracay Xorqa kee Estooluk fanal yanihiyyal yan saaku, YALLIH *Roocaaniyya maqar kaat hayte.

Zakariyya 4:6

Too waqdi woo malaykatti Darabbabelih warsa'gidih, YALLI ruube farmo yol ruube. «Darabbabelow, abba hannaanim gabal kok bicele. Takkay immay toh, qeebit geytu waytam hinnaay, isi qandet geytu waytam hinna; anu koh acayu waa yi roocaaniyyak geytu waytaama. Toh intam yoo YALLAY Nabaamak Nabahiyya.

Yasaqya 42:2

«Usuk sahda lih mayaamaay kaxxa anayat maxongola; gitittel waxxaqto maaba.

1 Samuwel 17:46

Ta saaku YALLI yi gabah addat koo heele. Anu kok qeebih ayseyyooh, moyya kok kaleyyo. Filistiin marih raysi guma kee alluwwâ-gadda akkele. Tohuk wadir Israayil mari Yalla lem baadal yan mari inkih aabbele.

Makaabon 16:30

Too waqdi anay fayya haak, «Filistiin mara duufut beeh rabam tu hinna» iyye. Sarrak woo qari qandek leemiik gutuqeeh; too waqdi woo qari woo koona malik kee raqqa 'ye maral inkih rade. Samsoon Filistiin marak addunyal yen saaku qideemik fula, rabe saaku qide.

Makaabon 15:15

Sarrak xayi wakti rabe dananih qangabbi-lafa geeh, qununna 'yeh woo qangabbi yakkuqeeh, too lafat alfi num qide.

Makaabon 15:8

Tohuk lakal caylah ken yibbixeeh mango mara keenik qide. Sarrak gexeeh Qetam deqsitta boolok bagut tan gablah addat yombooqore.

Makaabon 11:29

Tohuk lakal YALLIH *Roocaaniyya Yeftacal obteeh; too waqdi usuk Gilqad kee Manassê rasu fan gexam gexeeh, sarrak Mixfa deqsitta magaalay Gilqad rasul geytintahiyyah uduurra 'yeh Qammon-marih baaxo fan bisoh gexe.

Makaabon 14:5

Tonna leemiik Samsoon, abba kee ina lih, Timna deqsitta magaala safarah gexen. Qinab cooxih addak gaceeh gexak suge waqdi, cunxusa lubak garadah yoobbe.

Makaabon 14:7

Sarrak gexeh woo awká lih walaleeh; too waqdi tet yikcineh.

1 Samuwel 10:6

Too waqdi garciik YALLIH *Roocaaniyya isi milkih koo heeleeh, atu woo oson diinih aban rigdot ken lih angaletto. Atu kaadu keenik kaxxih nabuwwah innah yaabetto. Too waqdi akah suge wayte num akketto.

Makaabon 14:19

Too waqdi YALLIH Roocaaniyya cayla kaat hayteeh; Askalon deqsita arac fan gexxa 'yeh, soddom num qiddaay sara keenik kalla heeh, oson luk sugen qax-meqe sara woo ixig-ixiga yifdige marah yeceeh. Takkay immay tekkeemih naqabu xagarat luk isi abbah buxah yuduure.

1 Samuwel 10:16

«Samuwel ‹Okaale geytinteh› nek iyye» kaak iyye. Samuwel «Malik akketto» kaak iyyem qammih mawarsinna.

1 Samuwel 14:1

Ayrok teena Yonaatan, furraynuh yan numuy silac kaah abbaxuk sugehiyyak, «Filistiin mari elle yani'kke fan nee bey» iyye. Takkay immay too gexo isi abbah mawarsinna.