Makaabon 14:3 - NABUWWA KEE MALIKWA

³ Kay ina kee abba kaak inteemih, «Rihimih woo *Filistiin-maray diini-maleelah yanihiyya fan maca koo beyta? Akkel isi gulubih addal, hinnay kaadu, ni marih addal baxuwwa waytee?» kaak iyyen. Samsoon isi abbak iyyeemih, «Anu yoh bahtam kok faxam, too awkáay; yikcineh» kaak iyye.

Makaabon 14:3 Referans Kwoze

1 Samuwel 17:36

Lubokwa kee gersi alluwwa qideeh; a Filistiin-numuy diini aalle waah, waara Yallih qaskarih migaq baysahiyyak toh abeyyo.

Makaabon 15:18

Sarrak Samsoon kaxxam bakaariteeh; too waqdi YALLAL weeqeeh iyyemii, «A gid takke qande yoh teceeh iisa yoh tecee. Takkay immay bakaarah rabam faxaah, a diini-maleelah tan *Filistiin yoo tabbixem faxxa, YALLAW» iyye.

2 Samuwel 1:20

Ken raba Filistiin-baaxol mawarsina. Rabat keenik Gat magaalal mayaabinaay Askeloonul gitak addal mawarsina. Filistiin agbih qangaasal nee maabina. Yalla sinniih diini sinni ken say xaylo, nel africeey nel asuule ken kallaama.

1 Samuwel 31:4

Too waqdi silac kaah akkuquk suge furraynuh yan numuk, «A diini-maleelah tan Filistiin ummatta yoo qiddeh yol tirtirissaamak, ama tikyat lito seefit yoo qid» kaak iyye. Takkay immay woo furrayni seefit kaa qidu meysih yeffereh. Toh yuble waqdi Saawul isi seef siibba heeh is edde qide.

1 Samuwel 17:26

Dawud isi garil suge marak iyyeemih, «A Filistiin num qideh, Israayil mara a migaq-sinnak currih yayyaaqu waa numuh maca aceelon? A Filistiiniitih diini mali fiiruk iyya yekke waqdiiy; waara Yallih qaskarat qeebi aba'gid akah yemeetem?» iyye.

1 Samuwel 14:6

Yonaatan woo furraynuy kaa'lih yanik iyyemii, «A *Filistiiniy diini-maleelah tanihiyya elle tani'kke fan nee bey. YALLI nee catam takkehik, dagnah faxeh gide nakke'mmay YALLI isih faxek, keenik nee aysiisele» iyye.

Makaabon 14:2

Wokkeek buxah yuduure waqdi isi abba kee inak annah iyye. «Timnal kalbi yok beyte Filistiinih tooboke baxuwwa taniih; tet abitam faxak, gexay tet yoh essera» keenik iyye.

Yoosuwa 23:12

Isinni Dageltal imaan hee wayteeniih woo sin addat raaqe marat tengeleenih keenik rihimteenik,