Makaabon 14:18 - NABUWWA KEE MALIKWA

¹⁸ Sarrak woo magaalah mari malcinhaytoh ayro Samsoon elle xiina qarih adda culaamak dumal, kaal yemeeteeniih annah kaak iyyen. «Malabak tamuh tayseemih maca tan? Lubaakak qandeh tayseemih maca tan?» kaak iyyen. Toh yoobbe waqdi Samsoon keenik iyyeemih, «Yi dahalto lih abquruk suge waytaanamal, a ixig-ixiga awayiik afdiguk mananniton» keenik iyye.

Makaabon 14:18 Referans Kwoze

Makaabon 14:17

A ixig-ixigak maqna teetih warse weemih, woo digibih bicsen xigla gaba kalla haytam fan, malcina ayro fan weeqak sugte. Ellecabol, «Yoh waris» 'yaanamak af tayseedeyu cinte waqdi, maqna teetih akak warseh. Is too waqdi tohim Filistiin-marah warisseh.

Makaabon 14:19

Too waqdi YALLIH Roocaaniyya cayla kaat hayteeh; Askalon deqsita arac fan gexxa 'yeh, soddom num qiddaay sara keenik kalla heeh, oson luk sugen qax-meqe sara woo ixig-ixiga yifdige marah yeceeh. Takkay immay tekkeemih naqabu xagarat luk isi abbah buxah yuduure.

2 Samuwel 1:23

«Nanu Saawul kee baxi tiyat yabba innek, addunyal anuk maqaane luk sugeenih; addunyal anuk sahda ken kicinuk ten. Rabal kaadu titta lih waklisak raben. Sissikaaneh tikoh inna luk sugeeniih; maqarah kaadu lubak inna luk yenen.

Yacedkel 1:10

Kulli rooci-lem affara fooca leeh; woo affara foocak foociiy isi ceelo luk yen. Foocat yan fooci sahdayti ceelo luk yeneeh; migdi kabut raaqa fooci lubak ceelo luk yen. Guri kabut raaqa fooci awur ceelo luk yen. Salafti kabu raaqa fooci kaadu qawî ceelo luk yen.