Makaabon 12:1 - NABUWWA KEE MALIKWA

¹ Efrayim mari qeebih bical gace. Ordon weeqaytuk tabba 'yeenih Xafon deqsitta magaala fan yemeeten. Tokkel Yeftacak iyyeenimih, «Qammon marat qeebi abta'gidih gexxe waqdi, qeebih ne'lih gexa 'yaanam nek axce'kal, nee cabba hayteh akah gexxem macaay? Addat akak tan qari amok kol cararise wayya haynek, abletto» kaak iyyen.

Makaabon 12:1 Referans Kwoze

Makaabon 8:1

Tohuk lakal Efrayim mari Gidqoonuk iyyeemih, «Atu Miidiyan mara lih qeebi abta'gidih gexxe way, neh macah seece wayte? Annah tanim nel akah bahtem macaay?» axcuk kaxxam kaa yessecekken.

Makaabon 14:15

Fereyhaytoh ayro taaxige mari Samsoon barrak iyyeemih, «Ku baqala ayrissa haay, a ixig-ixigah maqna kaak neh eyyeq. Woh abe waytek, ku abbah qarit gira ruubennooh koo woo qarih addat cararisenno. Macaa, koo kee ku baqala buxal xigla neh akah abteenim nee raddaana'gidi maay kinni?» teetik iyyen.

Makaabon 15:6

Filistiin-mari ah abtem kinni mara esseren waqdi, ah abtem Samsoon kinnim yeexegeenih; akah abem kaadu, balli kaak barra Samsoon kataysah yeceemih abem yeexegen. Kay balli Timna deqsitta magaalah numuk ten. Tonna-leemiik Filistiin-mari gexxa 'yeh, woo barra kee tet abba carrisen.

Makaabon 12:2

Yeftac keenik iyyeemih, «Yoo kee yi mara, Qammon-mara lih kaxxa tittin way luk sugneeh; too saaku siinih seeceh suge'mmay yoh mamatrinniton.

Hosiqa 13:1

Dumah yan saaku Efrayimih yooboke mari yaaba waqdi, Israayilih yooboke mari meysih axaxitak suge. Amo qunuunusak ken fan wagitak sugen. Takkay immay Baqal akak iyyaanamih qibaadat gaceeniih, dambi lem baahen. Tohuk gexxaamah bayen.