Makaabon 10:6 - NABUWWA KEE MALIKWA

⁶ Israayil mari fiiruk geerah Baqal kee Qastarot deqsittam aqbuduk yeneeh; tonnah kaadu, Suuriya kee Saydaay Mooyab kee Qammon kee Filistiin mari yalla 'yeh yaqbude duyye aqbuduk yeneeniih; tohih sabbatah YALLAL dambi lem baahen. Oson YALLA hawweeneeniih kaa yaqbudeenim cabeenih.

Makaabon 10:6 Referans Kwoze

2 Malikwa 23:13

Tonnah kaadu, Malik-Suleeman duma Yarusalaam magaalak ayrô-mawqal, Umaane-le-qale deqsitta qalek gabbi-qaxat raqta'kkel, ableh-uma duyyeeyah-qibaadah, axcihiiy, Sayda-marak-say-yallay Qastarot deqsitta kee, Mooyab-marih-yallay Kamos deqsita kee, Qammon-marih-yallay Milkom akak iyyaanah qibaadah heeh suge mansafitte foyya abe.

1 Malikwa 11:33

Toh kaal akah baahu waam, Suleeman yoo cinna heeh gersi baaxoh mari yaqbude duyye yaqbudem baaheeh; yoo yaqbudem cabba hee. Qastarot deqsittaamay Saydâ marih say yalla axcuk too mari yi aftok yaqbudehiyya kee, Mooyab mari yaqbude Kamos deqsittaamay Mooyab mari kaadu yallah lehiyya kee, Milkom akak iyyaanamay Qammon mari yallah lehiyya yaqbudeemit gace. Kay abba Dawud yi gita katayak yeneeh, anu oobise xinto kee amri oggolak sugeh immay, usuk oggolaanam cineh. Suleeman yi gita cabba heeh ceele waytut ase.

1 Malikwa 11:7

Yarusalaamak ayrô-mawqa le kabu raqta qalel, Kamos deqsitta umâ-yabulih tan duyyey Mooyab mari Yallih aftok aqbuduk sugehiyya elle yaqbudeeni'gidih arac keenih bicse. Tonnah kaadu, Qammon mari yallah le Milkom deqsittaamay umâ-yabulih tanihiyya elle yaqbudeeni'gidih arac keenih bicse.

1 Malikwa 11:5

Qastarot deqsittaamay Saydâ mari say yalla axcuk Yallih aftok yaqbudehiyya ken lih yuqbude. Tohuk kalah kaadu, Qammon mari yallah luk yen Milkom deqsittaamay umam yabulih tanihiyya ken lih aqbuduk yen.

Ermiyaas 2:13

Macaay inteenik, yi mari namma dambit aseh yan. Yooy banaadantu bakaarak waddaah sila le lee bisu lehiyya cabba heenih lee addal akak salale wayta dorwah dagot gacen. Tah intam yoo YALLA.

2 Malikwa 17:16

YALLAY ken doorehiyya keenil oobise amri cineeniih, Yallih aftok dahabak bicissa heen namma daheltih ceelo yuqbuden. Migaaqah Aseera deqsittaamay yaqbudeenihiyyah astah heenih sugen gurmudda soolisen. Tohuk kalah, cutuukâ-qibaada kee Baqal-deqsitta-duyyeh-qibaadat gacen.

Makaabon 16:23

Filistiin malikwa yallah loonumuy migaaqah Dagon akak iyyaanahiyyah kaxxa sadgat abaana'gidiiy woo ayro yassakaxxeeni'gidih, inkih aracal gaaboowen. Too waqdi qadar abeeniih woo qadarah iyyeenimih, «Ni yalli naqboytah suge numuk nee yiysiiseh» iyyen.

2 Aydaad 28:23

Too waqdi, Acad isi bagul «A mara qeebil cattem, Suuriyah mari yaqbude yallak tanih tanikii, sadgat oson yaqbuden yallah abaama» 'yaanam heeh; qeebil akah gacem, a duyye yuqbudem kinnim yeegemeh. Damaskoh mari yalla axcuk yaqbude duyyeh sadgat abe. Takkay immay too duyyeh qibaada kaa kee Yuudâ-marah baati xalte.

1 Malikwa 16:31

Kaak dumal malikih suge Nabát-Yarobqam abak suge umaane kay garil inkinnah tuk masuginnaay, dambi abitto wohuk lafittam baahe. Etbaqal-deqsita-numuy Saydâ-marak-malikih yenehiyyak Idebal-deqsitta-baxá rihimih abite. Tohuk lakal Baqal akak iyyaanam diini-maleela Yallih aftok taqbudehiyyah qibaadat gace.

1 Samuwel 5:2

Too magaalal Daagon migaq akah aban duyyey yaqbudeenihiyyah qibaada elle abaana'gidih bicsen qari yen. Yallih Qahdi addat akak yan Sandug bahha heenih, woo Daagon akak iyyaanamih ceeloy yaqbudeenihiyyak xaqut missossa heenih caben.

Makaabon 13:1

Israayil mari kaadu qagitak YALLIH garil dambi takkem baahen. Tohuk gexxaamah YALLI morootom sanatah Filistiin-mara abbootanah amol keenik hee.

Makaabon 6:1

Israayil mari fiirik geerah dambi lem YALLAL baahen. Tohuk gexxaamah YALLI malcina sanatah Miidiyan-mara abbootanah amol keenik hee.

Makaabon 4:1

Eehud deqsita makaabanti rabek wadir, Israayil mari qagteeh YALLIH garil dambi lem baahe.

Makaabon 3:7

Israayil-mari isi Dagelta hawwenna heeh, Baqal kee Aseera deqsittaamay woo mari Yallih aftok aqbuduk sugehiyya ken lih yuqbuden. Tohum YALLIH garil dambik keenil loowinte.

Yoosuwa 13:31

Tonnah kaadu, Gilqad rasuk garab takke baaxo kee, Qastarot kee Adraqi deqsitta namma magaalay Qoog deqsita malik dabaaqah elle yene kenim abe. Ta baaxoy tikki 'tahiyya inkih Manasse-Makirik rade marak garabah yecee.

Makaabon 10:5

Yaaqir elle rabeeh elle yoogoqeenim, Kamoonu.

Makaabon 11:24

Isin yallah liton Kamos siinih yeceemil elle isbira. Nanu kaadu YALLAY ni Dagelta kinnihiyya neh yecee baaxol dabaaqah sugenno.

Yasaqya 23:4

Saydah magaalay wacarriy! Ku bad yaabeh, iyyemii, «Lacaw kee xalay able wayteeh, xaylo aynabe wayte barra ekkeh an» iyyek!

Yacedkel 27:16

Suuriyah mari kaadu tellemmo ko'lih abak sugeeh; atu lito mango tellemmô-duyye kok xaamak sugen. Too duyyet milaaguh (libaakih), anxaxin unxux kee diimin saraay, dilwa le sara kee *baftak bicsen xagar meqe sarooy, baddi arul geytima uwway gacro deqsitahiyya kee, qasa unxux koh edde milaagak sugen.

Makaabon 8:33

Gidqoon rabek lakal, Israayil mari Yallal luk yenen imaan dumak kaxxih kaadu agaaguluseenih, Baqal deqsittam yuqbuden. Bica-edde-aben-Baqal yallah haysiten.

Ermiyaas 2:20

«Israayil ummatey, yi yab dumaak cinten. Yi amri cinteeniih, ‹Koo manaqbuda› inten. Too waqdi qaleelah amo kee kaxxa cooxih gubal, niqmat neh baahele akak intan duyye qibaadat gacak, dalwa abten.

Ermiyaas 32:23

Takkay immay a baaxo guffu heenih teetil dabaaqah gaceenik wadir, ku yab kassitak maraaqinnon. Atu keenik aba intem kee keenik akah xiina inte xinto cineenih. Aba inteh ken akah amrisseemik tu aboonu cineenih. Tonna leemiik a bala keenil oobisse.