Makaabon 10:10 - NABUWWA KEE MALIKWA

¹⁰ Too waqdi Israayil mari, YALLAL weeqeeh iyyeemihii, «YALLAW, kooy ni Dagelta kinnihiyya cabneh; Baqal akak iyyeenim nuqbudeeh dambi lem kol bahneh nan» iyyen.

Makaabon 10:10 Referans Kwoze

1 Samuwel 12:10

Too waqdi YALLAL cato essereeniih iyyeenimii, ‹YALLAW, ku garil dambi lem bahne. Koo cabba hayneh, Baqal kee Qastarot deqsittam ku aftok nuqbude. Taway naqboytiitik nee cataay; ahaysa koo aqbudenno› iyyen.

Makaabon 3:9

Sarrak Israayil mari weeqah YALLAL hayya heen. YALLI too waqdi ta malikih gabak currih ken yayyaaqu waa num keenih ruube. Tohumuu, Qotniyel deqsita numuk ten. Qotniyel Kanad baxak ten. Kanad, Kaalibik qunxa toobokoytak ten.

Makaabon 10:9

Qammon-mari kaadu, Yuuda kee Benyam kee Efrayim kedoodat qeebi abaana'gidih, Ordon keenil taben. Israayil mari kaxxa gadaamah addat suge.

1 Samuwel 7:6

Oson too waqdi yakkeenimiik wokkel gaaboowen. Lee quleenih, YALLAH mattaco takke'gidih woo lee baaxol caxen. Sarrak too ayro soomuh asen. «YALLAW, dambi lem kol bahneh nan» iyyen. Samuwel makaabantu yekkeh; Israayil fanal sittin-way rada waqdi keenik elle kalak yenem, Mixfa deqsitta magaalak ten.

Ermiyaas 2:27

Yoo fan tafkuneenimik, darre yot cabteeniih, caxak, ‹Ni-ina› intaanaah, xaak, ‹Ni-abba› intan. Takkay immay gibdaabini siinit yakke waqdi, ‹Yallaw, nel uduuray nee wad›, yok intan.

Makaabon 4:3

Yaabin sagla-boolih gaariy biriitak bicseenihiyya luk yeneeh; Israayil mara labaatanni sanat racmatta sinni uma xintot abbaxuk yen. Sarrak Israayil-mari YALLAL weeqak catoh kaa kallacen.

Makaabon 6:6

tonna-leemiik Israayil mari baacak gexxaamah, YALLAH deero abe.