Makaabon 1:29 - NABUWWA KEE MALIKWA

²⁹ Efrayim mari kaadu Kanqaan maray Geser deqsitta magaalal sugehiyya mayyaaqinnoonuy, elle yanoonay ken iyyeeniih; too mari too magaalal elle ken lih raaqe.

Makaabon 1:29 Referans Kwoze

Yoosuwa 16:10

Efrayimih yooboke mari Kanqaan deqsita maray Geser deqsitta magaalal sugehiyya wokkek mayyaaqinnoonuy, yanoonay ken iyyen. Takkay immay isinni naqoosah ken haysitteeniih; ta saaku fanah too naqoosah yanin.

1 Malikwa 9:16

Dumah yan saaku Masri-malik Geser-magaala qeebit yibbixeh sugeeh, teetil suge mara selli heeh gira teetit ruube. Sarrak woo baaxo Malik Suleeman kay baxá abite saaku ikoytah teetih yecee.

Yoosuwa 10:33

Geser malikiy migaaqah Hooram deqsitak yenehiyya Laakis magaalah marih catoh yemeete. Takkay immay kaa kee kay qaskarak kaadu qeebih yeyseenih, num keenik nuwwuk macabinnoonuy inkih ken qiden.

Makaabon 1:28

Sarrak Israayil-mari qande baahak elle baahaamal, ken dirkisak isinni taamah mara ken aben. Takkay immay baaxok ken mayyaaqinnoonuy, yanoonay ken iyyen.

Makaabon 1:30

Dablon mari kaadu Kitron kee Nahlol deqsitta namma magaalal suge Kanqaan mara mayyaaqinnoonuy, yanoonay iyyen. Takkay immay dirkih isinni taamah mara ken abeeniih; keenih taamitak elle raaqen.

1 Malikwa 9:15

Malik Suleeman YALLIH Qibaadah-Qari kee isi qariiy, kalah kaadu, magaalat maroh heen gaso kee, tonnah kaadu, magaalak ayrô-mawqa le kabut raqta baaxoy ramma luk sugtehiyya edde missoysem, dirkih tamsiisa marih gabak ten. Tohuk kalah, Caxor kee Magiddo kee Geser deqsitta magaalooli kaadu keenit bicsiise.