Makaabon 1:18 - NABUWWA KEE MALIKWA

¹⁸ Yuudah yooboke mari kaadu Gaada kee Askalon kee Ekron deqsitta magaalooli kee too magaaloolih dariifal tan baaxo yibbixen.

Makaabon 1:18 Referans Kwoze

Yoosuwa 11:22

Israayil baaxoh bagul Qanaakim deqsita marak num maraaqinna. Dago mari keenik Gaada kee Gat kee Asdood deqsitta magaaloolil raaqe.

Makaabon 3:3

Yallih fayxih baaxol raqtemii, Filistiinik koona magaalal yen mara kee, wohuk kalah, Kanqaanah yooboke maraay Saydâ mara kee, tonnah kaadu, Ciiwih yooboke marak ten. Ciiwî mari Lubnaan qaleelak Baqal Cermon deqsitta qaleh ragidik xabba haanamay Camat deqsita daabah amma 'yaanam tan baaxol yen marak ten.

1 Samuwel 6:17

Filistiin mari a koona dahabay laahi-baxxi-ceelok bicseenihiyya akah ruubeenim, Asdood kee Gat kee Askalon kee Gaada kee Ekron deqsitta magaaloolih mari abe dambik qafu geyaana'gidik ten.

Makaabon 16:21

Filistiin mari kaa yibbixeeh, namma inti kaak yeyyeeqeenih. Gaada deqsita arac kaa beeniih, tokkel nacaasak bicsen silsilatat kaa yoxeen. Casbit kaa heeniih daro eceyyal kaa riysiisen.

1 Malikwa 4:24

Suleeman Furaat-weeqaytuk ayrô-culma le kabut raqqa 'ta baaxok, Tifsac-rasuk xabba haanamaay Gaadâ-magaalah amma 'yaanam tan baaxo isi milkih hee. Furaat-rasuk ayrô-culma le kabut raqta baaxol sugte malikwa inkih kay gubat gacte. Cuggaaneh kaak tan baaxooxah mara kee kay fan kaxxam muquk ten.

Ermiyaas 47:5

Gaadâ-mari kaxxa rookah amo isinnik moolah able. Askalon mari kaxxa tibba abah able. Filistiin marak rabak raaqe mari rookah xagar isik qanxisah able.

Yoosuwa 15:11

Tokkeek cuduud keenik Ekron magaalak kilbat le kabut raqta qale fan bacakkuh gexxa 'yaah, Sikkaron deqsitta magaalak Baqala deqsitta qaleh xaquk taturra 'yaah bisoh Yabneel deqsita arac fan yamaate. Cuduud keenik Maditraaniyah badat yaade.

Makaabon 14:19

Too waqdi YALLIH Roocaaniyya cayla kaat hayteeh; Askalon deqsita arac fan gexxa 'yeh, soddom num qiddaay sara keenik kalla heeh, oson luk sugen qax-meqe sara woo ixig-ixiga yifdige marah yeceeh. Takkay immay tekkeemih naqabu xagarat luk isi abbah buxah yuduure.

Ermiyaas 25:20

allî-baaxoh maray Masril dabaaqah yene kee, Quux deqsitta baaxoh malikwaay, Filistiin magaaloolik Askalon kee Gaada kee Ekron akak iyyan magaaloolil dabaaqah ten malikwaay, Asdood deqsitta magaalal baatik raaqe maraay,