Makaabon 1:10 - NABUWWA KEE MALIKWA

¹⁰ Sarrak kaadu Kanqaan maray Cebron magaalal sugehiyyah gaaden. Cebron magaala too saaku Kiryat-Arbaq deqsitak ten. Tokkel Sesay kee Aciiman kee Talmayi deqsita sidiica gulubuh anuk yeneeniih; Yuudâ-mari qeebil keenik yeyseh.

Makaabon 1:10 Referans Kwoze

Yoosuwa 14:15

A magaala Kaalib carbit raaqissa haamak dumal, migaaqah Arbaq magaala teetik axcuk yenen. Arbaq deqsitak yen num Qanaakim deqsita marak kaxxa numuk ten. Tohuk lakal ummatta carbik toffoofeh raqte.

Ermiyaas 9:23

YALLI iyyemii: «Tu-taaxago isi ixxigat kaxxam akkale waytay. Celeema isi qandet kaxxam akkale waytay. Gaddaleela isi maalut kaxxam akkale waytay.

Makaabon 1:20

Muusa ken elle amrissa hee innal, Cebron-magaala Kaalibih yeceen. Kaalib duma woo magaalah adda sugte Qanak deqsitta kedoy sidooca gulubuk raddehiyya tokkek yeyyeeqe.

Yoosuwa 10:36

Tokkek gaba kalen waqdi, Yoosuwa kee kay qaskar Qeglon magaalak Cebron deqsitta magaalay qaleela le baaxol tanihiyya fan gexen. Too magaalat kaadu qeebi abeenih

Makaabon 1:9

Tohuk lakal qaleela mango rasu kee mango koomaami le baaxo kee gabbi-qaxat raqta baaxoy bacarih tanil dabaaqah yen Kanqaanah yooboke marah gaaduh gexen.