Hosiqa 9:9 - NABUWWA KEE MALIKWA

⁹ Gibqa deqsita rasul akah abak sugga iyyen innah, umaanet badih innah sutta 'ten. Yalli isin aben dambi uxih digga haah, uxih mahawweeninnaay, sin dambih sin digaalele» iyye.

Hosiqa 9:9 Referans Kwoze

Hosiqa 10:9

YALLI iyyeemih, «Israayil mari, Gibqa deqsita aracal dambit ase ayrok wadir, dambi abittok way maadayinnon. Tonna leemiik Gibqal qeebi ken abbixele.

Makaabon 19:16

Oson tokkel yanin waqdi, idaltuh yan numuy taamak orbahiyya keenil yemeete. A idalti aslik Efrayim numuk yene'mmay, woo saaku buxah woo magaalal yen. A magaala lem Benyam marak ten.

Hosiqa 8:13

Yi migaaqal sadgatah saq qidan. Qiden saqih cado yakmen. Takkay immay yooy YALLA kinni ken inqibeh, ken faxah maan. Oson baahen dambi aaxaguk ken akah digaaleyyo. Akak yemeeten Masri fan ken gacseyyo.

Yasaqya 31:6

Israayil maraw, YALLAL uduura. YALLAT darre cabteenih taniinik, YALLAL uduura.

Yasaqya 24:5

Baaxo nadaasa abtem sinaama. Macaay inteenik, Yalla cinaanaah, usuk aba iyyem abe waanaah, Yallih Qahdiy daayiman waarahiyya makan.

Makaabon 19:12

Usuk lih yan num iyyemii, «Aleey, marin marih magaala kee Israayilih aabuke wee marih buxaaxi maculla. Dagoom bisoh gexxa inna waqdi, Gibqa akkiiy Raama magaala gufe akkennooh; too namma magaalak magaalak teenal xiinenno» iyye.

Makaabon 20:43

Raqtem nammâ fanal hayya heenih Gibqak ayrô-mawqa le kabu raaqa arac fanah ayradduk baahen. Mangom gital elle keenik selen.

Ermiyaas 14:10

YALLI tohuk a maral gacseemih: «Yok kudaanaah umaaneh abittok isinni nabsiyya maraaqisan. Tonna leemiik ken inqibeeh, aben umaane keenit macabay, ken akah digaaleyyo» 'yaanam iyye.

Hosiqa 4:9

Sinaamak kaxxih digaala siinit akkele. Sin inkih digaaleyyooh, abba hayten umaane siinil gacseyyo.

Hosiqa 5:8

Hosiqa kaadu qagseh iyyeemih, «Gibqal baanta ugura! Raamal turumba kaayisa! Beet-Awen deqsita aracal qeebih tirtirisa! Benyam maraw, qeebih ittikiya!

Hosiqa 7:2

Anu oson abba heen umaane aaxigem mayaaxigan. Oson abba heen dambi marot ken yabbixe. Oson aban taama yok maqellitta» iyye.

Hosiqa 9:8

Nabi, Yalli Israayil ummatay kay marah tanihiyyah aylahu kaleh, takku waytam keenih warsa'gidih ruube numu. Tohuh isin kaa ablinnaan waqdi, kimbiro oflot elle yabbixen innal, kaa tabbixeenim faxxaanaah, Yallih Qibaadah-Qaril kaa tinqibeenih.

Xafanya 3:7

‹Tahaysa yi mari yok meysiteleeh, anu maabina keenik axcem maabaana› 'yaanam niyal heeh suge. Takkay immay keenil baahem abaluk, yol yaduure marak masuginnoonuuy, dumaak abak sugen uma taamat qagten.

Makaabon 19:22

Tonnal farcatat yanin waqdi, magaalah addal tan labhay taama akak toomehiyya garciik qari keenik marot heen. Qari afa keenil kaxxam yoogoren. Qari le numuk, «Ama ku buxa yemeete num annah afah nel eyyeq; fido kaat fanxa'gidih neh kaa eyyeq» iyyen.

Yacedkel 21:28

«Bani-adantow, takku waytaamat yab. Ama Israayil mara xaafa Qammon marak, yoo YALLAY Mulki lehiyya axcem, keenih waris. ‹Baysa seef bical yan! Qiduuy cankaxi innah bixiq iyyuh, kaa duugeenih yanin.