Hosiqa 9:8 - NABUWWA KEE MALIKWA

⁸ Nabi, Yalli Israayil ummatay kay marah tanihiyyah aylahu kaleh, takku waytam keenih warsa'gidih ruube numu. Tohuh isin kaa ablinnaan waqdi, kimbiro oflot elle yabbixen innal, kaa tabbixeenim faxxaanaah, Yallih Qibaadah-Qaril kaa tinqibeenih.

Hosiqa 9:8 Referans Kwoze

Hosiqa 5:1

«Seekay, ankacisa. Israayil ummatey, axcem oobbeya. Malikwa kee keenih ramad le maraw, edde yaaba yab ayti yoh acuya. Abtan cokmi qadaalatat abtaana'gidih, siinil yontocowweh immay, woh maabinnitoonuuy; tonna leemiik isin abba haytan cokmi siinil aduurele. Mixfa deqsita aracal, sahdah oflo tekken. Taabor qaleh amol, sabakat kullum elle yabbixen innal sahda tabbixen.

Yacedkel 3:17

«Bani-adantow, kok axceemih, Israayil marat dacayri hayu waam koo. Anu kok excem keenih warisaay, garci keenih kal.

Miika 7:4

Ken kaxxa mari foyyaay, baaxok bagul yooboke waaqeexik mayaysa. Yalli ummatah dumal elle ken nabuwway ken dacrisak sugteh kabuk keenih elle warse innal, ken edde digaalu waa ayro temeeteh. Too waqdi baditit sugelon.

Yasaqya 62:6

Yarusalaamey, ku gasoh afal koo dacrissa mara koh hee. Oson bar kee laqoh tibba m'iyyan. YALLI cule xagana YALLA kassisa maraw, aadayi mahaytaanay YALLI Yarusalaam daabissa haah addunyal faylisan magaala tet abam fanah aadayi kaa mahaytan.

Yacedkel 33:7

«Hay ta way, bani-adantow, kok axceemih: Israayil marat dacayri hayu waam koo. Anu kok excem keenih warisaay garci keenih kal.

Ermiyaas 31:6

Qibaadâ-Qari dacrisa mari Efrayim qaleelah amook deero abeleeh, ‹Annah nel amey; YALLAY ni Dageltah yani naqbude'gidih, Siyon qale fan nee beya› 'yaanam axcuk, sinaamah deero edde aboonu waan wakti amaatele» 'yaanam iyye.

Ermiyaas 14:13

Too waqdi anu excemii, «YALLAW, Mulki le Dageltaw, nabuwwa, ‹Ahak wadir carbi mayanaay qulul mayan. Yalli a baaxo kulli waqdi amaanah xiiniseyyo nek iyyeh qahdi neh cule› axcuk, ummattah warsan» 'yaanam exce.

Ermiyaas 6:17

YALLI iyyemii, «Dacayrih sinam siinit hee. Too mari, ‹*Baanta yaagaru waa mara ankacisa› siinik iyyen. Takkay immay yaaguren baantah anay aabbih maqal edde mahannitoonuuy, ‹Aleeyyah mankacisna› inten.

Ermiyaas 6:14

Yi marat tekkeh tan diglok, ‹Ah tu hinna sahalih taniimi› iyyan. Ane sinni nagaynak, ‹Baaxo nagaya! Umaanek tanim mali› iyyan.

2 Malikwa 13:21

Ayrok teena Israayil mari rabe num aagaquk sugen waqdi, taaxige mara amaatih yublen. Too waqdi aagaquk sugen numih ginaada Eliisaq kabrih addat qideenih cabeenih isinnih kuden. Woo raysi Eliisaq-lafa xage waqdi, woo raysal rooci yuduureeh edde ugteh solla 'ye.

2 Malikwa 7:19

malik dacayrit yan num, «YALLI qaran afoofi fakka haamah, aham takkem hinna» 'yaanam iyyeh yen. Eliisaq too waqdi, «Amaham akkih abletto'mmay woo maaqok tu matakma» 'yaanam kaal gacseh yen.

2 Malikwa 7:2

Malik dacayrit yan num Eliisaqak iyyemii, «YALLI qaran afoofi fakka haamah, aham takkem hinna» iyye. Eliisaq kaal gacsemii, «Amaham akkih abletto'mmay woo maaqok tu matakma» iyye.

2 Malikwa 5:27

Taway Niqmaan luk suge dalka kot tabele. Koo kee ku durruyyat tama dalka way macabtan» iyye. Sarrak Gecdi wokkek gexe waqdi, woo dalka kaal obteeh xagar kaak qidih arroqleh innah gace.

2 Malikwa 5:14

Sarrak Niqmaan Ordon-weeqaytu fan gexeeh, Eliisaq ab kaak akah iyye innah, malcina adda kummatta edde iyye waqdi, xagar inkih kaak qaffoote. Xagar kaak qaafiyat kee maqarah furrayni baxi innah kaak gacca 'ye.

2 Malikwa 4:43

Woo num kaak iyyemii, «Aham bool num adoobiselem kot celtaa?» iyye. Eliisaq kaal gacsemii, «YALLI, ‹Oson akmeloonuuh geera cabelon› 'yaanam iyyak, maaqo keenil ucuy, yakmeeni'gidih» iyye.

2 Malikwa 4:41

Eliisaq, «Bulul yol baaha» iyye. Woo bulul kaal yeceen waqdi, woo disti addal tan maaqot yesgelle. Tohuk lakal, «Maaqo keenih ucuya» iyye. Woo maaqo keenih yeceen waqdi, summi cabteh sugte.

2 Malikwa 2:21

woo leeh-raceyna fanah gexxa 'yeeh woo qasboyta addat akak qide. Too waqdi afak iyyemii, «YALLI iyyam aha: ‹A lee saytun lee abeyyooh, ahak wadir sinam maqiddaay a lee daro aysubukele› iyya» iyye.

2 Malikwa 2:14

Too waqdi Eliyyas-raraytot woo weeqaytu yootokeeh, «YALLAY Eliyyas elle yaamine Dagelta kinnihiyya ankel yan?» iyye. Woo weeqaytu yootoke waqdi, weeqayti namma'kkel gace. Sarrak Eliisaq adda akak tabeh weeqaytuk woo qaxal yeede.

1 Malikwa 22:28

Too waqdi Miikayhu iyyemii, «Atu amaanah uduurra 'tek, YALLI yo'lih yaabe kaa hinna» iyye. Qagseh kaadu iyyemii, «Ummatey, anu axcem oobbeyay yok raaqa» iyye.

1 Malikwa 22:22

YALLI, ‹Mannal abettooh?› iyye waqdi, ‹Gexxa exceh Acab nabuwwa diraabat yaabiseyyo› 'yaanam inte. YALLI too waqdi, ‹Gexay, kaa ayris, ku gabal bicelek› 'yaanam axcih uble» kaak iyye.

1 Malikwa 22:11

Woo nabuwwak numuk teeni, Kanaqná-Xidkiya deqsita nabik ten. Too nabi, birtak-bicse gaysoosi luk yen. Iyyeemih, «YALLI ‹A gaysoosit Suuriyah marat qeebi abettoh inkitanuuk ken baysetto› kok iyya» kaak iyye.

1 Malikwa 22:6

Sarrakaa, Acab affara bool takke nabuwwah seeco abeeh; too nabuwwa temeete waqdi ken essereh, iyyeemih, «Raamot magaala nabbixe'gidih gaadu'nna, raaqooh?» iyye. Oson too waqdi, «Gexay gaad; YALLI nasri koh aceelek» kaak iyyen.

1 Malikwa 18:19

Taway Israayil marak inkih, Karmel qalel yot ongoorowa inxic. Baqal-nabuwwak affara bool kee kontom gabat bah. Say-yalla akak iyyan duyyey migaaqah Aseera akah iyyaanahiyyay ku barra Idebal cato akah abtahiyyah nabuwwak affara bool gabat bah» kaak iyye.

1 Malikwa 18:1

Qabar radeemih sidiica sanat tikka 'yek lakal, ayrok teena YALLI Eliyyasak annah iyye. «Gexay Malik Acabah umbulluy; anu rob ruubeyyok» iyye.

1 Malikwa 17:1

Eliyyas deqsita nabiy Gilqad deqsita rasuk Tisba deqsitta magaalal yenehiyya malik-Acab fan yemeeteeh kaak iyyemii, «YALLAY waaraah Israayil doore Dageltah yanihiyyay anu naqasuh akak anihiyyah migaaqal xiibitah ani immay, anu ahaysa, rob amaatele siinik axceemik dumal, namma sanat akkiiy sidooca sanat akki guffa haam fanah baaxol naafi magaca; rob marada» kaak iyye.

Ermiyaas 23:13

Duma Samaariyah rasul nabuwwa kinnino iyya mari abe umâ-yabulih tanim ubleh suge. Baqal migaaqal, ‹Woh akkeleeh ah akkele› axcuk sugen. Ta mari yi mara gitak hoxseeh, makot ken beyak yenen.

Hosiqa 9:7

«Digaala siinit edde takku wayta uddur xayyooweh. Too saaku siinih taguude digaala siinit akkele. Sin garil nabi duquruuy; Yallih wacyi elle oobe num cissit ane waa numuh tablen. Kaxxa dambit asseenimih sabbatah, nabi kaxxam niqibton.

Hosiqa 9:9

Gibqa deqsita rasul akah abak sugga iyyen innah, umaanet badih innah sutta 'ten. Yalli isin aben dambi uxih digga haah, uxih mahawweeninnaay, sin dambih sin digaalele» iyye.

Ermiyaas 11:19

Yi naqboytit, ricidih beyan marqay is beyan ikke gexahiyyah innah, yoo qidaana'gidih yoo beyaanam faxaanam YALLI yoh warse. Anu toh aaxaguk masuginniyo. ‹Caxa saade'kal akah yargiqen innah, wadiriik kaa kase waana'gidih, a num a waqdiik qidnay› axcuk, yi qidimil malisak sugen. Anu ta umaanet yoh yaniinim keenik aaxaguk masuginniyo.