Hosiqa 9:7 - NABUWWA KEE MALIKWA

⁷ «Digaala siinit edde takku wayta uddur xayyooweh. Too saaku siinih taguude digaala siinit akkele. Sin garil nabi duquruuy; Yallih wacyi elle oobe num cissit ane waa numuh tablen. Kaxxa dambit asseenimih sabbatah, nabi kaxxam niqibton.

Hosiqa 9:7 Referans Kwoze

Miika 7:4

Ken kaxxa mari foyyaay, baaxok bagul yooboke waaqeexik mayaysa. Yalli ummatah dumal elle ken nabuwway ken dacrisak sugteh kabuk keenih elle warse innal, ken edde digaalu waa ayro temeeteh. Too waqdi baditit sugelon.

2 Malikwa 9:11

Sarrak Yaahu woo is lih tan qaskar abbobti fan yuduure waqdi, keenik numuk teeni kaak iyyemii, «Nagaynaa? Ama cabuli akah yemeetem macaa?» kaak iyye. Usuk keenik, «Usuk kinni num maay taaxigeeni? Edde yaabe yab maay teexegen?» keenik iyye.

Yacedkel 13:3

Yoo YALLAY Mulki lehiyya axceemih: able ween wacyi ‹Nuble› iyyan. Isinni amok yeyyeeqen yaabal, ‹Woh akkele ah akkele› iyyan. Oson duquuraay; kenim tekkeh!

Yasaqya 10:3

Hay, Yalli sin digaalu waa saaku macaa abetton? Yalli xer baaxok temeete bala siinil oobisek, maca abetton? Catoh iyya fan ardetton? Teddereenim anket aaquretton?

Miika 2:11

A mari faxam dirab keenil yecee nabiy ken duquurusa. ‹Qinabak bicsen kamri kee kamri darah innah siinih caxitele› keenik iyya nabi faxan» 'yaanam siinil gacse.

Yacedkel 13:10

YALLI kaadu iyyeemih, «A nabuwwa akak iyyan mari, ‹Umam matanaay; baaxo amaana› axcuk, deedala amaan yanim sinaamat celsiisan. Tonna'mmay amaan mayana. Yi mari bokoke gidaar xisaanaah; too nabuwwa akak iyyan mari bagul akak noora haan.

Ermiyaas 29:26

«Xafanyaw, YALLI Yoyadaq aftok, isi-Qibaadah-Qarih addal seekak abba koo abe. Tonnah yan numuh elle tani'kkel tibba intam koo maceltaay; cabuliy nabi kinniyo iyyahiyyak iba kee gaba namma-caxxih fanat uxuyya heenih, fillat kaadu birti silsilat kaak yaxeenim kol tan.

Xafanya 3:4

Teetil tan nabuwwa kaxxam isinnit yakkaleeniih, yaaminen mara hinnon. Teetil tan seeka taahirik tanim nadaasa abtaah; Yallih xinto isinni faxaanamih taagah makot warsan.

Qaamus 8:2

Too waqdi YALLI yok iyyemii, ‹Maca table?› yok iyye. « ‹Kudaarak kibuk yan kafaq ableh an› 'yaanam exce. «Too waqdi yok iyyeemih: ‹Yi maray Israayilih yoobokehiyyah ellecabo gufteh. Tahaysa ken digaaleyyo ikkal, wadir akak maxca.

Hosiqa 9:8

Nabi, Yalli Israayil ummatay kay marah tanihiyyah aylahu kaleh, takku waytam keenih warsa'gidih ruube numu. Tohuh isin kaa ablinnaan waqdi, kimbiro oflot elle yabbixen innal, kaa tabbixeenim faxxaanaah, Yallih Qibaadah-Qaril kaa tinqibeenih.

Yacedkel 38:23

Nabna le Dageltay taahirik yanihiyya kinniyom mango baaxoh mara tonnal aybulleeyyo. Oson YALLA kinniyom tonnal yok aaxigelon» iyye.

Yacedkel 25:17

Yi naqbi le'nna ken ayballayuk, uma digaalah ken digaaleyyo. Agaagul sinni canê-gacsa keenit abeyyo. Too waqdi YALLA kinniyom yok aaxigelon» iyye.

Ermiyaas 46:21

Oson maalut xaamen qaskar arooduh awur innah gacteh tani'mmay, qeebil masoolaanaay, awyah hayya heeloonu'kkal, qeebi maaban. Edde digaalimoonu waan ayroy YALLI bala keenil oobisu waahiyya xayyowteh.

Ermiyaas 16:18

Oson aban uma-taama kee dambil namma addah taduure digaalah ken digaaleyyo. Macaay inteenik, baaxol yok umâ-yabulih-tan-duyyey rooci sinnihiyyat wasak aben. Woo duyye yalla axcuk yaqbuden» iyye.

Ermiyaas 11:23

Qanatot maral bala ruubu waa wakti xayyooweh yani'mmay, too saaku num keenik mawaddiima› 'yaanam yok iyye» iyye.

Ermiyaas 8:11

Yi mari kaxxa biyaakah biyaakita immay, sahlih yaniinim celsiisan. Baaxo amaan mali'mmay, «Baaxo sahliiy, amaanaay; umaane matana» iyyan.

Ermiyaas 6:14

Yi marat tekkeh tan diglok, ‹Ah tu hinna sahalih taniimi› iyyan. Ane sinni nagaynak, ‹Baaxo nagaya! Umaanek tanim mali› iyyan.

Yasaqya 44:25

Ginnili kee kalluwalle dirableela kinnoonum aybullee. Faal qida mara kee cutuk-beya duquura kinnoonum aybullee. Sahda le ixxiga, iggima kinnim keenik aybullee.

Yasaqya 34:8

Macaay inteenik, YALLI cane edde gacisu waa ayro tan; too saaku YALLI Siyoonuk naqboytiitih suge maral ken taama keenil gacsele.

Yasaqya 26:11

YALLAW, isi-gaba ugusse'mmay, toh mayablan; edde maradan. Isi marah lito kacanu, ableloonuh; wacarriyelon. Koo niqbam girat ambaxele.

Ermiyaas 23:13

Duma Samaariyah rasul nabuwwa kinnino iyya mari abe umâ-yabulih tanim ubleh suge. Baqal migaaqal, ‹Woh akkeleeh ah akkele› axcuk sugen. Ta mari yi mara gitak hoxseeh, makot ken beyak yenen.

Ermiyaas 25:14

A saaku oson yibbixen baaxooxah mara naqoosah loonu'mmay, oson isinnih, marin naqoosa edde yakkoonu waan ayro tanih. Marin naqoosa ken abeyyo. Oson sinaamal bahha heenim keenil baaheyyo› 'yaanam iyye» keenik iyye.

Yacedkel 9:10

Tonna-leemiik tahak wadir keenih maxuwaawa; keenih manacruura. Oson sinaamal baaheenim keenil baaheyyo» yok iyye.

Hosiqa 8:13

Yi migaaqal sadgatah saq qidan. Qiden saqih cado yakmen. Takkay immay yooy YALLA kinni ken inqibeh, ken faxah maan. Oson baahen dambi aaxaguk ken akah digaaleyyo. Akak yemeeten Masri fan ken gacseyyo.

Hosiqa 14:1

Hosiqa iyyeemih, «Israayil ummatey, YALLAY sin Dagelta kinnihiyya fanah uduura. Edde tanin dambi baati siinih xale.

Hosiqa 5:9

Israayil ummatey, digaala siinit edde takku wayta ayro xayih. Israayil foyya akkele. Israayil ummatey, tah nummaak takku waytaama» iyye.