Hosiqa 9:13 - NABUWWA KEE MALIKWA

¹³ «Israayil, Suur innal qaxa le baaxo anih ableeh, takkay immay away ken xaylo masgaada beelon» iyye.

Hosiqa 9:13 Referans Kwoze

Yacedkel 27:3

Bad akak culan culmal tan Suur magaalay baddi afal enna 'ya mara lih badaaqat abtahiyyak, yoo YALLAY Mulki lehiyya axcem liyok, waris. Teetik intaamah: Suur magaalay, hidah qax-meqiyo 'yaanam intaah, kaxxam isit takkale.

Qaamus 7:17

YALLI kok iyyem koh warisu waa. ‹Barra kok a magaalal xiiqareh-xiina akkele. Xalte xaylo carbit kok rabele. Ikoytah lito baaxo qaduwwi kok kureenih keefelon. Atu kaadu diini-maleelah yan marih baaxol rabetto. Israayil marah tu gactek, carbit xabba ken heenih seewah ken beelon› 'yaanam iyye» kaak iyye.

Hosiqa 13:16

Samaariyah mari yi yab cineemih sabbatah, digaala keenil tamaate. Xaylo keenik carbit rabele. Qunxa urri keenik xeetil tafqelon. Bagut le agabuk bagu fakelon» iyye.

Hosiqa 13:8

Baxi akak baye say-kabqih innal, sin abbixeyyooh qanxissa sin heeyyo. Lubak innah sin anxuqeyyo. Alluwwah innal kitittiffa sin heeyyo.

Hosiqa 10:14

Sin marat qeebi akkeleeh; koositih bicissen arooca foyyaase siinik lon. Malik Salman Beet-Arbel magaala carbit bayse saaku tekkem akkele. Too saaku inaani kee xaylo umâ-yabulit raben.

Hosiqa 9:16

Israayil mari buxux akak kafe caxay xaylo xale wayta yekken. Xaylo maxalan. Xaleenik kaadu kaxxam kicnon xaylo keenik qideyyo» iyye.

Ermiyaas 9:21

Macaay inteenik, rabi qarik xoggaak buxah adda nek culeh yaniih, maroh gasoosa edde nabbixe magaaloolih adda culeh yaniih, urru gitittel nek raaqisah yan. Furrayna qadaagah aroocal nek raaqisah yan» iyye.

2 Malikwa 15:16

Manacem Tirxâ-magaalak amaatuk suge waqdi, Tifsac-magaala inkitanuuk bayse. Tet addal suge mara seleh. Toh akah abem, woo magaalal suge mari gaba yacayu cineemih abe. Tet dariifal tan arooca inkih bayseh. Idqa agabuk kinni way bagu fake.

Ermiyaas 7:15

Duma Efrayimih yooboke maray sin toobokoh yanihiyyak akah abe'nnah, inni foocak sin kaleyyo. Tahat yabtam yoo YALLA kinni» 'yaanam siinik iyye.

Hosiqa 14:1

Hosiqa iyyeemih, «Israayil ummatey, YALLAY sin Dagelta kinnihiyya fanah uduura. Edde tanin dambi baati siinih xale.