Hosiqa 8:6 - NABUWWA KEE MALIKWA

⁶ Israayil mari yaqbudem, num gabak bicse duyye ikkalah Yalla hinna. Samaariyal yan mari yaqbude daheltih ceelo bututtukku heelon.

Hosiqa 8:6 Referans Kwoze

Cabakkuk 2:18

A xeet kee cooxuy taqbudeeni maca siinih xiqtaah? Tet le marah mannah tanim xiqta? Ah sahdayti isi gabak bicseemi'kkal tu siinih xiqtam hinnaay, deedalak sa akak geytaanam manton. Yaqbuden duyye bicse mari, isi gabat bicseemiy afak yaabe waytahiyyal yaamineh!

Hosiqa 10:2

Afqado keenik makot taniih; too makoh sabbatah, celta digaala keenit akkele. YALLI oson bicsen qibaadah arooca kee xeetik bicsen qamidway yaqbudeenihiyya bututtukku keenik heele.

Ermiyaas 50:2

«Xaagu ummatah inkih warisa: ‹Baabelon qeebit yibbixeenih› inxica. Tah elle yaaxigoonu waan asta uybulluya! Xaaguk tu macabinay ummatah warisa. ‹Baabelon-mari yallah leemiy Marduk migaq akah abaanahiyya luk sugte qande bayteh tan. Oson yallah loonum qaybit radde. Qibaadah bicsen tasaawiriy umâ-yabulih yanihiyyal qaybih tanim baahen› keenik inxica.

Ermiyaas 10:14

Tah inkih abalih, sahda xangi maleelay tut rade wayta tekke. Yalla axcuk yaqbuden duyye dahabak bicsa mari wohut wacarriyele. Oson bicsan yalla akak iyyan duyye anqaasah elle rabaanam ikkal, rooci leeh ufuy lem hinna. Ta duyye deedala'kkalah, tu xiqtam hinnaay tanim hinna; Yallih digaala tamaate saaku, baatu wayta duyye.

2 Aydaad 31:1

Qiid gaba kalek lakal, tokkel suge Israayil mari yakkeemiik, Yuudâ rasul enna 'ta magaalooli fanah gexeeniih, taahirik tan qamidwa akak iyyan qamidway xeetik bicseenihiyya yiggiggileh. Aseera deqsittaamay yaqbudeenihiyyah astah heenih sugen gurumuuda bututtukku heeniih, sadgat elle aban arooca kee Yalla maleela qibaada elle abak sugte aroocay fayyat raqtahiyya bayseenih. Raqqa 'te Yuudah-baaxol inkih tonnah tanim abeeniih; tohuk kalah kaadu, Benyam kee Efrayimiiy Manassê rasul inkih, tonnah tanim aben. Tohuk gaba kalen waqdi, isinni buxaaxih yuduuren.

2 Malikwa 23:19

Tohuk kalah kaadu, Yoosiyaahu, Israayil-malikwa Samaariyah rasuk magaaloolih addal, gabak bicsen duyye elle yaqbudoonuh bicsen arooca bayse. YALLIH naqbi too aroocat aban qibaadah sabbatah keenil oobak suge.

2 Malikwa 23:15

Yoosiyaahu, Nabát-Yarobqamay Israayil mara dambit asisehiyya, Beetal deqsita aracal, gabak bicsen duyyeh-ceelo elle yaqbudoonuh heeh suge arac kee sadgat elle aben mansaf yiggileh. Too duyyeh qibaadah aracay tokkel hee sugehiyya butukku heeh, xeet akak iggiggilla heeh, gomboduh gacissa hee. Aseera akak iyyan duyyey say-yallah luk sugeenihiyyah soolisen gurmuddat gira ruube.

Ermiyaas 48:13

Duma Israayil, elle aaminuk yen Beetalat wacarriyya akah iyyen innah, Mooyab mari kaadu ah keenit takku wayta saaku, Kamos akak 'yaanamay yallah loonuhiyyah abak sugen qibaadat wacarriyelon.

Hosiqa 13:2

A saaku inkinnah woo umaanet bisoh gexak gexaanaah, isinni gabak lakqok bicsen duyye yaqbuden. Too duyye gabâ-naggaarinna keenik leh yan mari bicissa haah, sarrak yaqbudeenih. «A duyyeh sadgat aba» iyyan. Laahi ceeloy gabak bicseenihiyya fugtan! Sahdayti isi gabak bicse ceelo wadir mannal fuguta?

Hosiqa 14:3

Assuuriya nee macatta. Carbi faaris catoh tu neh maxiqa. Ahaysa gabak bicsen duyyek, ‹Ni Dagelta› m'inna. YALLAW, qayxiixah racmata Dagelti dibuk koo› inxica» keenik iyye.

2 Aydaad 13:8

Ta saaku kaadu isin Dawuduk rade maray YALLI isih dardaarinna akah yeceehiyyat qeebi abtaanamal malissen. Kaxxam mango qaskar haysittaay dahabak bicissen daheelah ceeloy Yarobqam siinih bicseeh yalla axcuk taqbudeenihiyya haysitta hayteeniih,

Miika 1:7

Xeet kee coox kee biriitak bicsen duyyey aqbuduk sugeenihiyya riira akkele. Woo duyyeh qibaada elle aban qaril tan xiiqareh-xiinah yan agabuh acayuk sugen duyyet inkih gira gexele. Too yaqbuden duyyeeyah ceelo bayele. Woo duyye naqboytiitih keenik yan mari keenik beeleeh; too duyyey beenihiyya isinni yallitteh ceelo elle yaqbuden qarwal tan xiiqareh-xiinah aceelon» iyye.