Hosiqa 5:1 - NABUWWA KEE MALIKWA

¹ «Seekay, ankacisa. Israayil ummatey, axcem oobbeya. Malikwa kee keenih ramad le maraw, edde yaaba yab ayti yoh acuya. Abtan cokmi qadaalatat abtaana'gidih, siinil yontocowweh immay, woh maabinnitoonuuy; tonna leemiik isin abba haytan cokmi siinil aduurele. Mixfa deqsita aracal, sahdah oflo tekken. Taabor qaleh amol, sabakat kullum elle yabbixen innal sahda tabbixen.

Hosiqa 5:1 Referans Kwoze

Hosiqa 9:8

Nabi, Yalli Israayil ummatay kay marah tanihiyyah aylahu kaleh, takku waytam keenih warsa'gidih ruube numu. Tohuh isin kaa ablinnaan waqdi, kimbiro oflot elle yabbixen innal, kaa tabbixeenim faxxaanaah, Yallih Qibaadah-Qaril kaa tinqibeenih.

Miika 7:2

Baaxô-bagul yaaminen num maraaqinna. Yallal imaan haa num mayana. Num numtin qidimih raarisa. Kulli num isi baaxoh numuh alluwwah innah admoh gexa.

Miika 3:9

Tonna'mmay, Israayil abbobtik, isin yoo ankacca haay, siinih warsam yok oobbeya. Isin qadaalat qansiisa mara hinniton. Gitah tanim makot abtan.

Hosiqa 6:9

Seeka, siftay sinam qidimih raarissa tekke. Seekem magaala fan beya gitih addal kinni way sahda qidan. Makkook kaxxa umaane aban.

Makaabon 4:6

Ayrok teena Abinqám-Barak deqsita numuy Naftaali deqsitta baaxol tan Kedes deqsitta magaalal guubuh yenehiyyah farmo rubte. Farmoh kaak inteemih, «YALLAY Israayil doore Dagelta kinnihiyya amri kol oobiseh kok iyyeemih, ‹Naftaali kee Dablonuk tabna alfi yakke mara baahay Taabor qale fan ken bey.

Malaaki 2:1

YALLAY Nabaamak Nabahiyya kaadu seekak iyyeemih, «Hay taway seekay, siinik axcem oobbeya. Abba haytaanam inkih yoo edde aynabuk aba. Yi amri oggole wayteenik, bala siinil ruubeyyo. Barkat sin waysiiseyyo. Nummah, barkat sinna siinil ruubeh an. Sin akah abaarem, yi amri nagay oggole wayteenimih sabbata.

Qaamus 7:9

Israayil ummat qibaada elle abta aroocay taahirik tanihiyya addigillele. Iscaak durruyyatih qibaadah arooca abur akkele. Yarobqam kee kay dardaarinna inkitanuuk finqa abeyyo› 'yaanam yok iyye» iyye.

Hosiqa 10:15

Beetalal yan maraw, siinit kaadu takku waytam tohu. Toh siinit akah takku waytam, isin abten kaxxa umaane. Israayil malik carbik qimbot rabele» 'yaanam iyye.

Hosiqa 4:1

Israayil ummatey, YALLI siinik iyyaah sin akah sahitam oobbeya. YALLI siinik iyyaamah, «A baaxol yan mari imaan cabeh yan. Kacni keenik yeerreh yan. Yalla kinniyom yok mayaaxigan.

Malaaki 1:6

YALLAY Nabaamak Nabahiyya seekak iyyeemih, «Siinik axcem oobbeya. Baxi abba yassakaxxeeh; saq-duwayti akah taamita num yassakaxxeh. Hay, anu abba siinik kinniyok, macah yoo assakaxxe waytan? Sin Dagelti yoo kinni way macah yoo assakaxxe waytan? Seekay, yoo bursuttam siini. «Takkay immay isin, ‹Nanu koo elle bursunnam mannaay?› intan.

Miika 3:1

«Israayilik abbobtih yan maraw, yoo ankacisa. Qadaalatat taamittaanam sin taamak tene'mmay,

Hosiqa 13:8

Baxi akak baye say-kabqih innal, sin abbixeyyooh qanxissa sin heeyyo. Lubak innah sin anxuqeyyo. Alluwwah innal kitittiffa sin heeyyo.

Ermiyaas 46:18

«Malik akak 'yaanam, yoo YALLAY Nabaamak Nabahiyya. Waara Yalli yoo immay siinik axcemii: Taabor qale qaleelak xeeruk elle raqtaah, Karmel qale kaadu badak fayya luk elle raqta'nnah, siinit carbi aba numih qande kulsah too bis luk siinik raaqele.

Ermiyaas 13:18

Ermiyaas kaadu qagseh iyyemii, «YALLI yok iyyemii, ‹Ama malik kee kay inak elle tanin dardaarinni korsik ooba keenik inxic. Woh akah excem, oson amot lon dardaarinni kalabta keenik raddeh.

Ayyuqel 1:2

Idoolay ankacisa. Yuudâ rasul yan maraw, a yaabah ayti ucuya. Axayyu tekkem, sin dabaanal duma tekkem hinnaay, sin abbobtih dabaanal tekkem hinna.

Makaabon 4:12

Sisra, Barak Taabor-qale yewqem yoobbe waqdi,

1 Samuwel 7:5

Tohuk lakal Samuwel, «Mixfa deqsita aracal YALLA siinih kallaca'gidih, wokkel gaaboowa» iyye.

1 Samuwel 7:6

Oson too waqdi yakkeenimiik wokkel gaaboowen. Lee quleenih, YALLAH mattaco takke'gidih woo lee baaxol caxen. Sarrak too ayro soomuh asen. «YALLAW, dambi lem kol bahneh nan» iyyen. Samuwel makaabantu yekkeh; Israayil fanal sittin-way rada waqdi keenik elle kalak yenem, Mixfa deqsitta magaalak ten.

1 Samuwel 7:16

Kulli sanatal Beetal kee Gilgal kee Mixfa fan gexak sugeh, too baaxooxal titta waak suge mara bicisak suge.

Ermiyaas 11:7

Kaadu yok iyyemii, «Sin kaxxa abbobti Masrik baahe saaku, ‹Yi yab oobbeya. Yi amri oggola›, 'yaanam fiirik geerah keenik exceh eneeh; uxih a saaku fan a marak axcem tohu.

Qaamus 3:1

Nabi Qaamus iyyeemih, «Israayil ummattay YALLI Masrik yeyyeeqehiyyaw, siinit takku waytaamay YALLI naharal garci siinih akak kalahiyya ankacisa.