Hosiqa 4:16 - NABUWWA KEE MALIKWA

¹⁶ Israayil mari yabti cinah lac yekken. Hay, ta mara qayso yayloolen marqih innah mannal ken aylooleh dacrisaa?

Hosiqa 4:16 Referans Kwoze

Zakariyya 7:11

«Takkay immay yi mari yi yab cineeh, darre yot cabba haak misinkaca isinnik alfeenih.

Hosiqa 11:7

Yok yaxxeereenim dooriteeni'mmay, fillal keenik hoonu waan quukih catô goranah sahdat xaaqimeloonuuh; yol kaadu weeqelon. Too saaku cato rikek mageyan» iyye.

Ermiyaas 14:7

Ummatta too waqdi intemii: «Dambik toobinnek sarra, edde qagamqagitak sugne. Tohuk gexxaamah dambi nee yabbixem naaxigeh immay, YALLAW, isi nabnah taagah neh cab.

Ermiyaas 8:5

Hay yi maraw, yok texxeereenim ublehik, yol macah aduure waytan? Isinni gabak abten xeet kee cooxuk bicissen duyyeh qibaadat gacteeniih, yol taduureenim cinteenih.

Ermiyaas 7:24

Too yaabat baaqid mahaysitinnoonuuy yok cineenih. Anu keenik excem cabba heenih, ken misinkacay yab aabbe sinni keenil teceem abak sugen. Qamal keenik gacak gace.

Ermiyaas 5:6

Ta umaanek gexxaamah, garboh addak tewqe lubookah gadda akkelon. Bacaril tan suula ken kitittifele. Kabqi oson elle yanin magaaloolih dariifal ilaalisak suggu 'yeh; yawqen waqdi ken kitittifele. Toh keenit akah takku waytam, aban dambi keenik yemeggeh. Ayrok ayro uma taamat qagitak maacisan.

Ermiyaas 3:11

«Tohuk lakal YALLI yok iyyemii, ‹Imaan maleelah tan Israayil ummatta yok texxeereh immay, yoo gane Yuudah marak yayseenih› 'yaanam yok iyye.

Ermiyaas 3:6

Ermiyaas kaadu qagteh keenik iyyeemih, «Yoosiyaahu malikih yen saaku YALLI yok iyyemii, ‹Imaan maleelah yan Israayil mari abem tublem hinna? Yoo cabba heenih, qaleeli amo kee silal le cooxih gubal, xiiqareh-xiina abe wayta uma taama aben.

Yasaqya 22:18

Ukkuqqa koo heeh, koqosoh innah kaxxam naba baaxok bagul koo qidu waa waqdi, kombobbolettooh, tokkel rabetto. Elle kaxxiinitak sugte faras-gaariira elle kok raaqele. Atu malik-buxak migaq baysa num kinnito!› kaak inxic» yok iyye.

Yasaqya 5:17

Gaddaleelah-qarwa elle sugte aracay abuuruh raaqehiyyal beedi gacele. Illi-xaylo kaadu taloole qayso elle geele.

1 Samuwel 15:11

«Saawul malikih heemih away nadaamitah an. Yoo cineeh yi yab cineh» kaak iyye. Toh Samuwelit kaxxam toomeh, too waqdi inkih yan bar YALLA kallacak xiine.

Yasaqya 30:23

YALLI rob siinih ruubeleeh; buqre elle abinnaan ikkel, qidinnaan daro siinih aabukele. Mango daro orbisetton. Laahi siinik mango qayso geeleeh amaanah aloolele.

Ermiyaas 31:18

«Israayil maray nadaamitahiyyah anay yol rada. ‹YALLAW, dubaalinneh sugne'mmay, ku amri oggolaanam nee barisseh. YALLAW, ni Dagelta kook, elle sugne'kke fan nee gacis; kol naduuruh bical nan› 'yaanam axcih ken aabbe.

Hosiqa 10:11

Santiitat gexa rakub num elle kataya'nnal, Israayil mari duma yoo kataatak sugeh, anu aba excem abak sugen. A saakuh tu gactek, qilsa quuka ken fillal heeyyooh, kaxxa taamah abittot ken qaneyyo. Ken kee Yuudâ marat inkih baaxo abqursiiseyyo. Israayil marat daro elle qidoonu waan baaxo fiiriseyyo.

Hosiqa 11:6

Magaalooli keenik carbit bayele. Magaaloolih afoofi keenik carbit addigillele. Yi mari yoo cineh isit celtem abeeh; tohih sabbatah carbit ken bayseyyo.