Hosiqa 4:13 - NABUWWA KEE MALIKWA

¹³ Qaleelah amol tan aroocal sadgat aban. Koomaamih amol silal meqeeh ayyuufa le caxah gubal qaydarus qeerisan. Too qaydarus woo cooxih gubal akah qeerisaanam, woo cooxih silal keenit yemqek sa. Tonna kinnuk siinik say-xaylo kacob tekke. Sin xayloh agbi dalwa aba.

Hosiqa 4:13 Referans Kwoze

Yasaqya 1:29

Too saaku, Yallih aftok xeet kee cooxuk bicseenim elle taqbuden ikkel dooritten garsa kee bustaanat nadaamitetton.

Yacedkel 6:13

Woo oson Yalla 'yeenih yaqbuden duyye kee, sadgat elle aban aracih dariifal, raysi tittak bagul gacele. Kaxxa koomaami kee qaleelâ-sanaay, silal-le-coox kee sublâ-gubay qaydarus qeerisakaay xeet kee coox elle aqbuduk sugeenihiyyal, raysi raaqele. Too waqdi ummat inkih YALLI yoo kinnim aaxigele.

Ermiyaas 3:6

Ermiyaas kaadu qagteh keenik iyyeemih, «Yoosiyaahu malikih yen saaku YALLI yok iyyemii, ‹Imaan maleelah yan Israayil mari abem tublem hinna? Yoo cabba heenih, qaleeli amo kee silal le cooxih gubal, xiiqareh-xiina abe wayta uma taama aben.

Qaamus 7:17

YALLI kok iyyem koh warisu waa. ‹Barra kok a magaalal xiiqareh-xiina akkele. Xalte xaylo carbit kok rabele. Ikoytah lito baaxo qaduwwi kok kureenih keefelon. Atu kaadu diini-maleelah yan marih baaxol rabetto. Israayil marah tu gactek, carbit xabba ken heenih seewah ken beelon› 'yaanam iyye» kaak iyye.

Hosiqa 11:2

Takkay immay anu keenih elle seecaamal, yok axxeeruk yexxeeren. Yi mari Baqal akak iyyaanamay yallah loonuh sadgat aban. Gabak bicsen duyyeh dooqah qaydarus qeerisan.

Hosiqa 2:13

Yoo hawwenna hayteh Baqal akak iyyan duyyeh qaydarus qeerisseh; bilqitta inteh mareytit lakat gexxe'mmay, toh teetit macabay, tet akah digaaleyyo. Tahat yabtam yoo YALLA» 'yaanam iyye.

Yacedkel 16:25

luk sugteh tan qaxa nadaasat isik bayisse. Amaatinnaan num lih dalwitak, qaxa isik bayisseh.

Yacedkel 16:16

Isi sartanak tu takkem beyya hayteh, isi aroocay qibaada elle abtahiyyat bilqah hayte. Tokkel xiiqareh-xiinah innah, kulli num lih dalwa abte. Tannah tanim takkem faxxiimak mananna.

Ermiyaas 3:13

Qellat lem bahteenim isinnik ixigaay, yooy YALLA kinnih sin Dageltah yanihiyyak amri cinteenim isinnik ixiga. Yi amri cinna hayteenih, silal allinnaan caxah gubal yi aftok duyye taqbuden. Toh qellat kinnim isinnik taaxigeenimi. Tahat yabtam yoo YALLA, keenik inxic› 'yaanam yok iyye» iyye.

Ermiyaas 2:20

«Israayil ummatey, yi yab dumaak cinten. Yi amri cinteeniih, ‹Koo manaqbuda› inten. Too waqdi qaleelah amo kee kaxxa cooxih gubal, niqmat neh baahele akak intan duyye qibaadat gacak, dalwa abten.

Yasaqya 57:7

Sadgat abtaana'gidiiy dalwa elle abtaana'gidih, kaxxa qaleela tawqen.

Yasaqya 57:5

Kaxxa cooxih gubay yalla akak intan duyye elle taqbudeenihiyyal, mango dalwa abtaanaah; xixxaqak tan gablooli kee goloolah addal, isinni xaylo sadgatah qiddan.

Ermiyaas 44:8

Ama Masri rasuy elle taniinihiyyal, gabak bicissen duyye akah taqbudeeniih, sadgat too duyyeh migaaqal akah abtaanam macaay?› keenik inxicey. ‹Ta duyyeh abtan sadgatat, isinni nabsi akah bayissaanaah, ilaaqaanaah ces akak iyyan mara akah takkeenim macaay?› keenik inxicey.

Hosiqa 10:8

Beet-Awenil fayya le ikkel tan aroocay uma-taama elle abak sugeenihiyya bayele. Oson bicsen qibaadah aroocal waaqex kee keenan aabukele. Ummat qaleelak, ‹Nee uqura› axcele. Koomaamik, ‹Nel radaay› axcelon» iyye.

2 Malikwa 17:7

Toh akah tekkem, Israayil-mari YALLAY ken dooreh Masri malikik ken cateeh Masril edde sugen caalatak ken yeyyeeqehiyyal dambi lem baaheenimih sabbata. YALLA cabba heenih xeet kee coox yuqbuden.

2 Malikwa 23:7

YALLIH Qibaadah-Qaril heen aroocay xiiqareh-xiinak-lab-mari elle sugehiyya wokkek kaleh. Agbi, Aseera akak iyyan say-yallah-qibaadah seeka edde gacta kameswa elle bicisak yenem, tokkek teneeh; too arac tokkek kaleh.