Hosiqa 12:6 - NABUWWA KEE MALIKWA

⁶ Tonna kinnuk Yallay sin Dagelta kinnihiyyal eemenaay kaal uduura. Yallak kalihim maqbudina; maqaane kee qadaalat le mara tika. Yallih cato tamaatem fanah, wonnah maxcinaay annah maxcinay kaa qambaala.

Hosiqa 12:6 Referans Kwoze

Miika 6:8

YALLI meqeemiy abtaanahiyya siinih warseh. Toh macaay inteenik, qadaalat le taamah taamittaanam siinik faxa. Aggiriqe sinni kacanu taalleenim siinik faxa. Rammitta inteenih Yalla kinni sin Dageltih gita kataata mara takkeenim siinik faxa.

Miika 7:7

Yoh tu gactek, anu YALLI abam YALLAK qambaaleyyo. Yi Dagelti yoo catelem aaxigeeh, kaa qambaaleyyo. Yi Dagelti yi yab aabbele» iyye.

Hosiqa 14:1

Hosiqa iyyeemih, «Israayil ummatey, YALLAY sin Dagelta kinnihiyya fanah uduura. Edde tanin dambi baati siinih xale.

Zakariyya 7:9

Kaak iyyeemih, «Yabtam yoo YALLAY Nabaamak Nabahiyya. Anu dumaak inni marah amri eceeh en. Keenik exceemih: ‹Qadaalatah tanim abaay, meqem tittah abaay, tittah racmata.

Zakariyya 8:16

Tonna'mmay isin abeh meqeemiy siinil tanihiyya siinih warisu waa. Numma titta lih yaaba. Cokmi aracal amaanah sitta xiinissaana'gidih qadaalatat uckuma.

Xafanya 3:8

«Abletton! Ablettoonuk qambaala meqehik! Anu ummat abte umaane ummatal diggoysu waah, ken umaaneh ken digaalu waa saaki yanih. Doolatwa kee malikwa inki aracal gaabossa heeh, yi naqbi le'nna ken aybulleem faxa. Inkih tan baaxo yi naqabuh obtu wayta girat cararele.

Cabakkuk 2:3

Away koh warisu waam edde takku wayta ayro uxih taniimih sabbatah, uktubay sug. Takkay immay maxeeriiy, too ayro xayuk amaatele. Anu koo ayballayu waam nummah akkele. Raagelem akkaletto'mmay takkem fanah qambaalay sug. Udurra mabtaay, akkele» iyye.

Qaamus 5:24

Toh cabba haay qadaalat le taamah taamita. Cakkik tanim aba. Cakki baatam hinnaay; kulli way darah gexxa leeh inna.

Ayyuqel 2:13

Qaadiyyah sara isinnik qanxissaanam xiqtam mali. Abten umaaneh nadaamitta 'xicay qado baguuk yol uduura» yaanam iyye YALLI. YALLAY sin Dagelta kinnihiyyal uduura. YALLI maqaane leeh, racmatta le Dagelta. Kaxxa kacanu yaybulle Dagelta kinni. YALLI dagoomut mabagcarrita; digaalat mayasissikaay sahda abta umaaneh sahdah qafu aba Dagelta.

Hosiqa 10:12

Qusba baaxo ubquruta keenik exce. Cakki ubquray, maqaane orbisita. Yoo sin YALLA fanah edde aduureh meqe wakti a saaku'mmay yol uduura. Yol tuduureenik, barkat siinit heeyyo» 'yaanam siinik iyye.

Hosiqa 4:1

Israayil ummatey, YALLI siinik iyyaah sin akah sahitam oobbeya. YALLI siinik iyyaamah, «A baaxol yan mari imaan cabeh yan. Kacni keenik yeerreh yan. Yalla kinniyom yok mayaaxigan.

Ermiyaas 22:15

Hay tah abam faxa numow, tah abtam kaxxa malik koo abelem maay takkale? Ku abba meqe manoh sugeeh qadaalat kee maqaane le numuk ten. Tohuk gexxaamah abinnaanim gabal kaak bicak ten.

Yasaqya 58:6

«Anu faxa soom siinih warisu waa. Qadaalat-sinni-silsilatay sahda edde tabbixeeni kee sahdak fillal tabbixen koyta sahdâ-fillak kalay edde xukkutan mari currih yanay inxica.

Yasaqya 40:31

YALLAL kibalsita maray kibaal kaal haak kaa qambaala qusba qande haysitelon; gabilleemi'nnal haadelon. Qaafiyatah danan yakken; yardeenimih cawal maaban. Abaanamah ibi-gexo, 'kak mataqban; maboolaatan.

Yasaqya 31:6

Israayil maraw, YALLAL uduura. YALLAT darre cabteenih taniinik, YALLAL uduura.

Yasaqya 30:18

Tonna'mmay YALLI, tohuh, isi niqmat siinil oobisam faxaah; kaadu siinih racmata'gidih ugtele. Macaay inteenik, YALLI cakki le Dagelta kinni. Kaal kibaal haa mari ruffu iyya mara.

Yasaqya 8:17

YALLI isi marak is yooqoreh immay anu niyak kaa aamineeh; niya elle liyom kaa.

Yasaqya 1:16

Xagar isinnik taahirroysay, tahaysa taahirik yan mara takkeenimi. Anu abah sin able uma taama caba. Umaane maabina.

Yacedkel 18:30

«Away yoo YALLAY Mulki lehiyya siinik axceemih: kulli numuluuy abba hee umaanek abba heeh gidel kaal ackumeyyo. Tonna'mmay edde tanin dambik uduura. Abtan dambit isinni mabaysina.

Ayyuqel 2:12

YALLI iyyaamah, «Away kinni way baguuk toobitaay sooma. Abteenimih weeqay yol uduura.

Qaamus 4:13

Qaleela tuklukeeh, silaytu gintem, YALLAY Nabaamak Naba Dagelta kinnihiyya. Sahdayti rooci ginteeh; abu waam sahdaytuh warissam kaa. Ayrô-diifuk ditel korissam kaa. Baadal inkih mulki lem kaa. YALLAY Nabaamak Naba Dagelta kinni abam cubbusa!