Hosiqa 12:1 - NABUWWA KEE MALIKWA

¹ Israayil mari, maaci maacissiy bari tikka 'yam fanah, baatik sah keenih xiqtam alle waytaamat asan. Titta ganaanam kee umaane tittal baahaanam qaada keenik tekke. Masri kee Assuuriyah mara lih bica haysiten» iyye.

Hosiqa 12:1 Referans Kwoze

Hosiqa 11:12

YALLI kaadu iyyeemih, «Israayil ummat dirab kee ayra yol tecee. Yuudâ mari yi yaabih cinat yanih; yooy digga leeh taahirik yan Dageltah yani cineenih.

Hosiqa 8:7

Umaane yaysubukeenih, kaxxa umaane ken geele. Orbise ween darok gaqambo mabicsan. Daro orbiseenih gaqambo akak bicseenik, marin baaxoh marih gadda keenik akkele.

Hosiqa 5:13

«Israayil ummat biyaakittu waytaah, Yuudah ummat daleela lem isik tabalu wayta saaku, Israayil catoh Assuuriyah malikil gexele. Takkay immay biyaakak ken macatay; daleelak ken muurusa.

Yacedkel 17:10

Ubkak toobokeh immay mango saaku kafe'kal maay sugelee? Ayrô-mawqak yamaate caacay tet yaagure way, malaqaymumta'nnaa? Woo elle tani ikkel makafta'nnaa?› siinik iyya» iyye.

Ermiyaas 22:22

Isin abten umaaneh qaybit radettoonuuh; qawrat sin abbixele. Abbobti siinik caaco caffa elle beyta'nnal beeloonuuh; carbil sin catak yen mara seewah beelon.

2 Malikwa 15:19

Migaaqah Tiglat-Fileeser deqsita numuy Assuuriyak malikih yenehiyya Israayil rasu warare. Manacem soddom kee affara alfih kiilo lakqok kaah yecee. Too lakqo kaah akah yeceem, woo malik cato kaah yakke'gidiiy, tonnah kaadu, kay abbootan diggoowaah, nagay cayla baaha'gidik ten.

Ermiyaas 2:36

Cubbuse wayti kee baaqid sinnak gexxaamah, edde sugten caalat korisseenih. Assuuriyah mari sin akah wacarroyse innah, Masri mari kaadu sin wacarroysele.

Ermiyaas 7:15

Duma Efrayimih yooboke maray sin toobokoh yanihiyyak akah abe'nnah, inni foocak sin kaleyyo. Tahat yabtam yoo YALLA kinni» 'yaanam siinik iyye.

Hosiqa 7:11

Israayil mari hawri cabeeh, kimbir innah meekita. Way catoh Masri mara fan yardeeniih, way kaadu Assuuriyah mara fan yarden.

2 Aydaad 21:11

Yuudâ-rasuk fayya le baaxol, Yalla maleela xeet kee coox elle taqbude arooca bicse. Yuuda kee Yarusalaam magaalah ummat, Yallih garil dambik keenil loowintu waytaamat asise.

Hosiqa 4:15

«Isin Israayil maraw, yoo ganteenih. Yuudâ mari sin akke way! Gilgal kee Beet-Awen magaaloolil qibaada maabina. Yi migaaqay waarahiyyal maxiibitina.

Hosiqa 7:1

YALLI iyyeemih, «Israayil ummatay yi marah tani catam faxaah, maqaane keenih abam faxinnaan waqdi, aaminnaan taama kee gacca intaamat asah ken able. Titta ayrisan. Sahdâ-buxaaxi garqan. Sahda giti addal radan.

Hosiqa 11:9

Siinih abah an naqabut sin mabaysa. Israayil ummatey, ahaysa sin mabaysa. Anu Yalla kinniyo ikkal, sahdaytu hinniyo. Taahirik yan Dagelta kinniyooh sin lih an. Ahaysa siinit mabagcarrita.